No menu items!
HomeЭмч зөвлөж байнаА.Ханхонгор: УХТЭ бөөр, шээсний замын өвчлөлийн бүх төрлийн тусламж үйлчилгээг үзүүлж байна

А.Ханхонгор: УХТЭ бөөр, шээсний замын өвчлөлийн бүх төрлийн тусламж үйлчилгээг үзүүлж байна

-

Улсын хоёрдугаар төв эмнэлэг бөөрний мэс заслын тасаг нь бөөрний хавдрын үеийн мэс заслын эмчилгээ, тусламжийг үзүүлж байна. Энэ талаар УХТЭ-ийн Бөөрний мэс заслын тасгийн мэс заслын эмч А.Ханхонгор мэдээлэл өглөө.

УХТЭ-ийн Бөөрний мэс заслын тасаг нь ямар тусламж үйлчилгээг үзүүлж байна вэ?

Бөөрний мэс заслын тасаг нь бөөр, шээсний замын өвчлөлийн бүх төрлийн тусламж үйлчилгээг үзүүлж байна. Тодруулбал,

  • Бөөр шээсний замын чулуужих өвчин
  • Хорт хавдар,
  • Бөөрний хавдар,
  • Түрүү булчирхайн хавдар
  • Давсагны хавдар,
  • Түрүү булчирхайн хоргүй томрол, эрэгтэйчүүдийн үргүйдэл судлалын мэс засал зэрэг төрөлжсөн нарийн мэргэжлийн тусламж үйлчилгээг зөвлөх нэг эмч, нийт дөрвөн эмчийн бүрэлдэхүүнтэй үзүүлж байна.

Бөөрний хорт хавдрын мэс заслын эмчилгээний талаар мэдээлэл өгнө үү?

Бөөрний хорт хавдрын үед, хорт хавдрыг хэсэгчлэн болон бүхэлд нь тайрах аргаар хийдэг. Үүнийг хэвлийн дурангаар болон нээлттэй мэс заслын аргаар хийж байгаа. Тодруулбал, УХТЭ нь дэлхийн стандартын дагуу хэвлийн арын зайгаар бөөрний хорт хавдрыг хэсэгчлэн тайрах мэс заслыг түлхүү хийдэг.

Дурангийн мэс засал нь нээлттэй мэс засалтай харьцуулахад шарх, сорив бага байдаг бөгөөд мэс засалд орсон хүн маань амьдралын энгийн хэв маягт ороход 5-6 хоног л зарцуулж байгаа.

Эмчилгээний дараах тусламж үйлчилгээний тухайд?

Хорт хавдрын мэс засалд орсон өвчтөнүүд хоёр жилийн хугацаанд хяналтад байдаг. Үүнээс хойш хяналтыг таван жил дотроо өвчтөний өөр бусад эрхтэнд хавдрын үсэрхийлэл гарахгүй бол тухайн хүн бүрэн эдгэрсэн гэж үзэж байгаа. Хорт хавдрын дараах хяналт болон тусламж үйлчилгээг манай эмнэлэг хийж байна.

Бөөр, шээсний замын хорт хавдрын эмийн эмчилгээ 732 мянган төгрөг, өдрийн эмчилгээ 500 мянган төгрөг, хэвтүүлэн эмчлэх мэс заслын тусламж, үйлчилгээнд ашиглагдах багаж хэрэгсэл, хүндрэлээс хамаарч 2.2 – 5.3 сая төгрөг байдаг. Харин үүнийг Эрүүл мэндийн даатгалын сангаас 100 хувь хариуцдаг хэмээн ЭМДЕГ-аас мэдээлсэн байдаг. Энэ нь ЭМДҮЗ-ийн 2022 оны 01 дүгээр тогтоолоор зохицуулагддаг билээ.

Г.Жаргал
Г.Жаргал
Zaag.mn сайтын редактор

шинэ мэдээ

Т.Баярхүү: Малчдад өгсөн хандив, тусламжийн зарцуулалтыг шилэн дансанд тайлагнана

Зудтай байгаа аймгуудын малчдад туслах хандивын дансыг хаанаас авах талаар УОК-ын комиссын нарийн бичгийн дарга Т.Баярхүү мэдээлэл өгөв. Тэрбээр "Төрийн байгууллагууд, зарим томоохон ААН малчдад туслахаар хандивын...

Н.Баатарцогт: Тусгай хамгаалалттай бүсэд газар ашиглахтай холбоотой үйлчилгээг цахимаар авах боломжтой боллоо

Байгаль орчин, аялал жуулчлалын яамнаас цаг үеийн асуудлаар өнөөдөр мэдээлэл хийлээ. Тусгай хамгаалалттай газар нутагт газар ашиглахтай холбоотой үйлчилгээг бүрэн цахимжуулж, иргэдэд e-mongolia.mn, аж ахуйн нэгжид www.e-business.mn...

О.Оюунчимэг: Хоёрдугаар сарын 26-ны шөнө төвийн, 27-нд зүүн аймгуудын нутгаар цасан шуурга шуурна

Байгаль орчин аялал жуулчлалын яамнаас цаг үеийн асуудлаар өнөөдөр мэдээлэл хийлээ. Ус цаг уур, орчны шинжилгээний газрын ахлах мэргэжилтэн О.Оюунчимэг "Өнөө өглөөний байдлаар Монгол орны нийт...

Ногоон автобусны хэрэгт холбогдсон хүмүүст яллах дүгнэлт үйлджээ

Нийслэлийн авто замын түгжрэлийг бууруулах арга хэмжээний хүрээнд төсвийн хөрөнгөөр автобус худалдан авах ажиллагаатай холбоотой хэргийг шалгах ажлын хэсгээс гурван хэрэгт мөрдөн шалгах ажиллагаа явуулж,...

трэнд