НӨАТ-ын урамшууллын гуравдугаар улирлын буцаан олголтыг өнөөдрөөс олгож эхэлнэ. Буцаан олголтод 2022 оны 7-9 дүгээр сард худалдан авалт хийсэн цахим төлбөрийн баримтыг аравдугаар сарын 11-ний 12:59 цагаас өмнө ebarimt системд бүртгүүлсэн баримтын дүн хамаарах юм байна.
НӨАТ-ын:
I улирлын буцаан олголтыг дөрөвдүгээр сард
II улирлын буцаан олголтыг долоодугаар сард
III улирлын буцаан олголтыг аравдугаар сард
IV улирлын буцаан олголтыг дараа оны нэгдүгээр сард тус тус олгодог журамтай.
Түүнчлэн, 2022 оны 3-р улирлын НӨАТ-ын урамшууллын буцаан олголтоороо хөрөнгийн татвар болон зам ашиглалтын төлбөрөө төлөх боломжтойг онцлов. 2022.10.21-25-ний хооронд буцаан олголтоороо татвараа төлөх хүсэлт хүлээн авах бөгөөд #ebarimt -ын асуулгадаа ТИЙМ товч дарснаар хялбар, шимтгэлгүйгээр таны татвар төлөгдөх ажээ.
Мөн энэ сараас НӨАТ-ын сугалааны тохирлыг сэргээсэн бөгөөд сугалааны тохиролд:
1-10 баримт бүртгүүлээд 3-8 орон таарвал 30,000-5 сая төгрөг
11-50 баримт бүртгүүлээд 3-8 орон таарвал 40,000-10 сая төгрөг
51-ээс дээш баримт бүртгүүлээд 3-8 орон таарвал 60 мянгаас 30 сая төгрөгийн урамшуулал авахаар шинэчилсэн юм.
