Нийслэлийн хэмжээнд бага насны хүүхдийн дунд амьсгалын замын өвчлөл, томуу, томуу төст өвчний идэвхжил, дэгдэлт нэмэгдэж байгаатай холбогдуулан НЭМГ-ын даргын А/207 дугаар тушаал гарчээ. Уг тушаалаар 2022 оны 10 дугаар сарын 19 буюу өнөөдрөөс эхлэн томуугийн тусламж үйлчилгээний цагийг уртасган иргэдэд тусламж үйлчилгээ үзүүлэхээр болсон байна.
Тодруулбал, дүүргийн эрүүл мэндийн төвүүдийн томуугийн амбулаториуд ажлын өдөр 21 цаг хүртэл, бямба гаригт 11.00-18.00 цаг хүртэл ажиллахаар болжээ. Мөн зөвлөгөө өгөх утас 24 цагаар дуудлага хүлээн авна.
Та дүүргийн эрүүл мэндийн төвүүдтэй холбогдох утасны жагсаалт харах бол ЭНД дарна уу.