ЭМДҮЗ-ийн 2022 оны 01-р тогтоолд умайн хүзүүний хавдрын бүх төрлийн тусламж, үйлчилгээний зардлын төлбөрийг ЭМД-ын сангаас 100 хувь хариуцахаар тусгажээ.
Тогтоолын хүрээнд энэхүү тусламж, үйлчилгээний эмийн эмчилгээг 628 мянган төгрөг, мэс заслын тусламж үйлчилгээг тухайн мэс заслын багаж хэрэгсэл, хүндрэлээс хамаарч 3.043.000-4.526.000 төгрөгөөр санхүүжүүлдэг байна.
Ингэснээр даатгуулагчид умайн хүзүүн хорт хавдрын эрт илрүүлэг, үзлэг, оношилгоо, шинжилгээ, мэс засал, мэс, ажилбар, эмчилгээ хийгдэх хугацааны туршид хэрэглэх бүх төрлийн эм, эмнэлгийн хэрэгсэл, протез, ортопед /өндөр үнэ бүхий болон бусад/, ороох боох материал, сэргээн засах эмчилгээ, сувилахуйн тусламж, үйлчилгээ, химийн болон туяа эмчилгээний зардал болон бусад зардлыг ЭМД-ын сангаас бүрэн хариуцна.
Өнгөрөгч наймдугаар сарын байдлаар умайн хүзүүний хорт хавдрын тусламж, үйлчилгээнд нийт 172 даатгуулагч хамрагдаж, амьдралын чанараа дээшлүүлжээ. Эдгээр иргэдийн авсан тусламж, үйлчилгээний төлбөрт ЭМД-аас 362 сая төгрөгийн санхүүжилийг ЭМБ-уудад олгосон байна.
Та умайн хүзүүн хор хавдрын тусламж, үйчилгээг ХСҮТ, Цэргийн төв эмнэлэг, Сонгдо, Улсын 2-р төв эмнэлэг зэрэг ЭМДЕГ-тай гэрээтэй улсын болон хувийн хэвшлийн нийт 30 гаруй эмнэлгээс авах боломжтой. Хэрэв ЭМД-тай гэрээт эмнэлгүүд иргэнээс нэмэлт төлбөр авсан тохиолдолд “Хэрэглэгчтэй харилцах төв”-ийн лавлах утас 1800-1363 дугаарын утсанд мэдээллэх боломжтой.
Эх сурвалж: ЭМДЕГ
