УНТЭ-ийн Бүдүүн шулуун гэдэсний мэс заслын тасгийн эрхлэгч Э.Бат-Өлзий бүдүүн, шулуун гэдэсний өмөнгийн талаар зөвлөгөө, мэдээлэл өгснийг сийрүүлэн хүргэж байна.
Бүдүүн, шулуун гэдэсний өмөн
Бүдүүн, шулуун гэдэсний өмөн нь хоргүй ургацаг хэлбэрээр эхэлж цаг хугацааны явцад өмөн болж хувирдаг. Ургацаг нь 10 жилийн дараа өмөн болох эрсдэлтэй.
Бүдүүн гэдэсний өмөн үүсгэгч хэд хэдэн эрсдэлт хүчин зүйл бий. Үүнд:
-Улаан мах (үхрийн мах, гахайн мах, хурга, элэг) болон боловсруулсан махыг хэтрүүлэн хэрэглэх
-Махыг өндөр температурт боловсруулах буюу хайрч, шарж хоол хийх
-Бие махбодын идэвхгүй байдал
-Таргалалт
-Тамхи татах
-Согтууруулах ундаа ихээр хэрэглэх
-Нас (50-аас дээш байх)
-Бүдүүн гэдэсний өмөн эсвэл ургацагийн өгүүлэмжтэй байх
-Гэдэсний үрэвсэлт өвчнүүдээр удаан хугацаанд өвчилсөн
-Удамшлын эмгэгүүд
-II хэлбэрийн чихрийн шижин
Бүдүүн, шулуун гэдэсний өмөнгийн илрүүлэг шинжилгээ
Эрт илрүүлэг нь шинж тэмдэг дээр суурилдаггүй. Шинж тэмдэг илрээгүй гээд хойрго хандах нь бий. Тэгж төөрөгдөлгүйгээр эрт илрүүлэгтээ хамрагдахыг уриалж байна.
Бүдүүн гэдэсний дуран нь илрүүлгийн ганц сонголт биш. Дээрх шинжилгээнүүд бий. Эхлээд тестийн шинжилгээг өгч болно.
Өтгөнд далд цус илрүүлэх шинжилгээг тусгай саванд өтгөний дээжээс хийж өгдөг. Дээж өгөхөөс өмнө эм, хоолны дэглэмийг хязгаарлах шаардлагагүй. Уг шинжилгээ нь бүдүүн гэдэсний гэмтэлд мэдрэмтгий байдаг.
Илрэх шинж тэмдэг:
-Шулуун гэдэсний цус алдалт
-Өтгөн хатах,эсвэл суулгалт
-Төмөр дутагдлын цус багадалт
-Лабаораторийн шинжилгээгээр хэвийн бус гарах
-Тромбоцит болон үрэвслийн маркер ихсэх, элэгний үйл ажиллагаа хэвийн бус болох
-Хэвлий хэсгээр өвдөх
-Удамшлын мэдээлэл
Эдгээр шинж тэмдэг илэрсэн үед бүдүүн гэдэсний дурангийн шинжилгээгээр нарийвчлан тодруулна гэдэг зарчимтай.