”Exclusive” брэнд дэлхий дахинд нүүрлээд байгаа коронавирусийн эсрэг хамгаалалтын хувцас үйлдвэрлэж эхэлжээ. Аюулт цар тахалын эсрэг 100% вакум орчинг үүсгэсэн, дэлхийн стандартын дагуу зөвшөөрөгдсөн хамгаалалтын комбинзоныг эх орондоо үйлдвэрлэсэн байна.
Энэ талаар “Exclusive” ХХК-ийн захирал Г.Майцэцэг “Монголд #exMed мэндэлсэн өдрийн мэндийг хүргэе. Манай хамт олны 2 сарын уйгагүй хөдөлмөр, зүтгэл байлаа. Бид сард 160.000 ширхэг комбинзон үйлдвэрлэх хүчин чадалтай. Ингэснээр дотоодын зах зээлээ хангаад зогсохгүй ЭКСПОРТ хийх бэлтгэл ажлаа эхэллээ. Бид зөвхөн хамгаалалтын хувцас үйлдвэрлээд зогсохгүй… #cherokee -тай үнэ болон чанараар өрсөлдөх эмнэлгийн хувцас хийх болно… ХИЙХ тусам ЧАНАРЖИЖ… ҮЙЛДВЭРЛЭХ тусам ҮНЭ ХЯМДАРНА” хэмээн өөрийн твиттер хуудсандаа жиргэжээ.