No menu items!
HomeСонин хачинЕврейчүүд юугаараа хамгийн онцгой вэ

Еврейчүүд юугаараа хамгийн онцгой вэ

-

Өнөөг хүртэл үндэстэн ястаны генийг нарийвчлан судалж бүрэн мэдсэн нь үгүй. Аль үндэстэн ямар онцлогтой, оюун ухааны чадамж, IQ нь хэр өндөр, хөдөлмөрч, туйлбартай чанар, зан төлөвийн онцлог гээд үндэстэн бүрийг илэрхийлэх ялгагдах хэв шинж бий эсэх нь маргаантай хэвээр байна.

Гэсэн ч зарим үндэстний хувьд илт ялгарах онцлог байдгийг янз бүрийн судалгаа болон сорилтоор нотолсон жишээ цөөнгүй. Энэтхэгийн Рашид Сингхийн нэрэмжит Хүн судлалын хүрээлэнгээс саяхан нийтлүүлсэн эрдэм шинжилгээний өгүүлэлд “Еврей үндэстний зарим онцлог”-ийн талаар цөөнгүй сонирхолтой баримт дурджээ.

Тухайлбал, “XIX зуунаас дэлхийн шинжлэх ухаанд бодит хувь нэмэр оруулсан нэрт 500 эрдэмтний 316 нь, техник технологийн салбарт томоохон нээлт хийж шинэ төрлийн нисэх онгоц, сансрын техник, анагаах ухааны шинэ техник хэрэгсэл зэрэг хүн төрөлхтөний хөгжилд түлхэц өгсөн шинэ бүтээл туурвисан 500 зохион бүтээгчийн 281 нь еврей үндэстэн байна”.

Мөн XVI-XX зуунд соёл урлагийн салбарт мөнхийн бүтээл туурвисан аугаа хөгжмийн зохиолчид, уран зураачид зэргийн талаас илүү нь еврей буюу еврей гаралтай хүмүүс байна. “Еврей хүмүүс сонгосон мэргэжлээ өөрчилж холбирдоггүй, эхэлсэн бол заавал дуусгадаг онцлог шинжтэй…

Дэлхийд нэрд гарсан еврей гаралтай хүмүүсийн 80-аас илүү хувийнх нь эх нь еврей үндэстэн байгаа нь хүний ген эхээр дамжин илүүтэй өвлөгддөгийн бас нэг баримт” гэж өгүүлжээ. Дээрхтэй тестэй дүгнэлтийг 2002 онд Оросын “Независимая газета” сонинд бас дурдсан байдаг.

“…Зөвлөлтийн нэрт академич нар, эрдэмтдийн гурван хүн тутмын 2 нь зөвлөлтийн еврей хүмүүс байлаа. Эх орны дайны агаарын тулалдаанд шийдвэрлэх үүрэг гүйцэтгэсэн “МиГ”-үүд, анхны байлдааны тийрэлтэт нисэх онгоц, сансрын “Восток” хөлгийн аэродинамик, кибернетикийн болон цөмийн физик, одон орны салбар дахь шинэ нээлтүүдийн эзэд нь еврей хүмүүс юм.

“МиГ”-үүдийн эцэг Микоян, астрофизикч Амбарцумян, хөгжмийн зохиолч Хачатурян зэрэг армян, азербайжан гэгддэг нэрт хүмүүсийн уг гарал нь еврей юм. Дэлхийн II дайны эхэнд Адольф Гитлер “Европын үндэстэн ястны талаар баримтлах бодлого”-ынхоо №1-д “Еврей үндэстнийг газрын хөрснөөс бүрмөсөн арилгах” хүйс тэмтрэх зорилт дэвшүүлэн хэрэгжүүлсний үндсэн гол шалтгаан нь “арий үндэстнээс илүү оюун ухаан, чадвартай үндэстэн байхгүй, байх ёсгүй” гэсэн номлолтой нь холбоотой….

Албан ёсны үндэслэл, шийдвэр байдаггүй ч 1920-оод оны эцсээс Зөвлөлт засаг еврейн гол суурингуудыг Армян, Азербайжан, Татарстан зэрэг рүү чимээгүйхэн нүүлгэсний учир шалтгаан нь “Өөрөөсөө илүү ухаантай шадар түшмэлийг дэргэдээ бүү байлга” гэдэг догшин Иван хааны захиасыг дагаж мөрдсөн гэлтэй…

Дунд сургуулийн сурагчдын дунд явуулсан оюуны чадамжийн сорилоор Израилийн сурагчид 5 жил дараалан эхний байрт шалгарчээ. 1940-өөд оны эцсээр НҮБ-ын шийдвэрээр Арабын дайсагнагч 20-оод орны дунд байгуулагдсан өчүүхэн жижиг Израиль улс 30-аадхан жилийн дотор цэргийн чадавхиараа дэлхийд 5-д жагссан нь нэгийг өгүүлж буй хэрэг бус уу?” гэжээ.

Т.Энхжаргал
Т.Энхжаргал
Zaag.mn сайтын сэтгүүлч

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд