Хууль зүйн байнгын хорооны хуралдаанаар Төрийн хэмнэлтийн тухай хуулийн төслийг хэлэлцэв. Хэлэлцэж буй асуудалтай холбогдуулан Ц.Сандаг-Очир гишүүн санал гаргалаа.
Тэрбээр, “Олимп, дэлхийн аваргаас медаль хүртсэн тамирчдад сар бүр урамшуулал олгож байгаа. Үүнийг хасах саналтай байна. Улс орныхоо нэрийг дэлхийн тавцанд гаргаад ирсэн тухайн үед нь нэг удаагийн л урамшуулал олгоно уу гэхээс насан туршид нь сар бүр урамшуулна гэдэг байж болохгүй. Энэ бол цаашид хэмнэж болох зардал. Үүнд жилдээ хичнээн төгрөг зарцуулдаг юм. Цаашид сар бүр олгоод явах нь хэр зохимжтой вэ? Тиймээс үүнийг хасах саналыг гаргаж байна” гэлээ.