Монгол Улсад суугаа ОХУ-ын Элчин сайдын яамны баруун талын гудамжийг Оросын сөрөг хүчний лидер, ардчилал, эрх чөлөөний төлөө тэмцэгч, Ерөнхий сайдын орлогч агсан Борис Ефимович Немцовын нэрээр нэрлэх саналыг Ардчилсан намын дарга М.Тулгат НИТХ-д хүргүүлжээ.
Тэрбээр “…Дайнтай холбоотойгоор Орос иргэдэд тааламжгүй хандах явдал дэлхий даяар хүчээ авч дэлхийн олон оронд тэдний эсрэг хориг тавьсаар байна. Монголд ч энэхүү үзэгдэл сүүлийн өдрүүдэд нийгмийн сүлжээнд хүчтэй ажиглагдлаа. Иймд Орос хүн бүр дайныг хүсээгүй, Орос хүн бүр булаан эзлэгч биш гэдгийг Монголчууддаа ойлгуулах, цаашид түүхэнд дурсгал болон үлдээх зорилгоор ОХУ-ын ЭСЯ-ны баруун талын гудамжийг ОХУ-ын Ерөнхий сайдын орлогч (Шадар сайд), сөрөг хүчний хамгийн тод төлөөлөгч агсан Борис Ефимович Немцовын нэрээр нэрлэхийг санал болгож байна” гэжээ.