Дэлхийн Эрүүл мэндийн байгууллагаас жил бүрийн гуравдугаар сарын 3-ны өдрийг “Сонсгол хамгаалах өдөр” болгон тэмдэглэдэг билээ.
Энэ жил “Насан туршдаа сонсохын тулд сонсголоо хайрлая!” уриан дор энэ жил тэмдэглэж байна. Энэхүү ажлын хүрээнд төвийн ТХНСЗГ-ын хамт олон “Чанга шивнээ” арга хэмжээний удирдамж, хөтөлбөр батлуулан ажиллалаа.
Арга хэмжээнд ЭХЭМҮТ-ийн “Чих хамар хоолойн мэс заслын тасаг”-ийн эмч Э.Энхнаран сонсгол алдалтыг эрт илрүүлэх, хөгжүүлэх, сонсгол бууралтаас хамгаалах, урьдчилан сэргийлэх сургалтыг төвийн ажилтан, албан хаагчдад хийв.
Хүүхдийг төрөх үед сонсголыг эрт илрүүлэх, оношлох нь чухал бөгөөд хүүхэд төрснөөс 24 цагийн дараа сонсголыг шалгах, гурван сарын дараа давтан үзүүлэх, сонсгол алдагдалтай гэж үзвэл 12 сартайд дунгийн суулгацын хагалгаа хийлгэх, мөн хүүхэд наснаас нь сонсголыг хамгаалах, 12-35 насны залуучууд чихэвч их хэрэглэх, ажлын орчин дуу чимээ чангатай байх зэрэг олдмол сонсгол бууралттай болоход нөлөөлж байгаа талаар мэдээ мэдээллийг хүргэлээ.
Эх сурвалж: Хөгжлийн бэрхшээлтэй хүний хөгжлийн ерөнхий газар
