ХӨСҮТ-ийн ээлжит мэдээллийн цагаар “Товлолын болон сайн дурын дархлаажуулалт” сэдвийн хүрээнд дараах мэдээллийг өглөө.
Тэрбээр, “Манай улс дархлаажуулалтын тухай бие даасан хуультай. Уг хууль 2000 онд батлагдсан бөгөөд үүнд дархлаажуулалтын хэлбэрүүдийг зааж өгсөн.
Засгийн газрын тогтоолоор заавал хийх дархлаажуулалтын үндэсний товлолыг баталдаг. Үүний дагуу 0-15 насны хүүхдэд 12 халдварт өвчнөөс сэргийлэх 8 төрлийн вакциныг товлолын дагуу хийдэг. Тухайлбал, Сүрьеэ өвчин, халдварт саа болон В гепатитын эсрэг вакциныг төрсний дараах 24 цагийн дотор хийдэг. Хүүхдийн хоёр хүртэлх насанд ихэнх вакцинууд товлолын дагуу хийгддэг. Заавал хийгдэх товлолын вакциныг харьяалал харгалзахгүйгээр аймаг, сум, дүүргийнхээ ӨЭМТ-д хийлгэх боломжтой. Өөрөөр хэлбэл оршин суугаа газрынхаа харьяа эмнэлэгт хийлгэж болно.
Сайн дурын дархлаажуулалтад хамрагдах иргэн сэргийлэх тарилгын төлбөрийг хувиасаа гаргана. ХӨСҮТ-д A, В гепатит, менингит, сахуу, улиралын томуу, улаанбурхан, хүний папиллома вирусын эсрэг вакциныг сайн дурын үндсэн дээр хийж байна. ХӨСҮТ-ийн сайн дурын дархлаажуулалтын кабинет амбулаторийн 114 тоотод байрлаж байна. Зарим улс орнуудад зорчиход тодорхой вакциныг хийлгэсэн батламж шаарддаг. Энэ тохиолдолд иргэд вакцин хийлгэсэн газраасаа баримт авч, улс оронд зорчих боломжтой.
Гепатит С, хүний папиллома вирусын халдвар авсан тохиолдолд урт хугацааны дараа хавдар болох эрсдэлтэй. Үүнээс сэргийлэх гол арга нь вакцинжуулалт” гэлээ.
Эх сурвалж: ХӨСҮТ