Нийгмийн бодлогын байнгын хороо болон Түр хорооны хамтарсан хуралдаан болж байна. Хуралдаанаар “Омикрон” хувилбарын эсрэг авч хэрэгжүүлж байгаа арга хэмжээний талаар мэдээлэл сонсож, асуулт асууж, хариулт авав.
УИХ-ын гишүүн Н.Алтанхуяг “Та нар өмнөх ковидын үед хүмүүсийн зүрхийг нь үхүүлсээр байгаад дууссан даа. Дөрөвдүгээр тунгийн асуудал яригдаад байна. Бүүстэр тун хийлгэхэд эсрэг бие хэр хугацаанд хадгалагдаж байгаа вэ. Хэрвээ судалгаа байхгүй, энэ эсрэг биет нь богино хугацаанд алга болоод байгаа бол бид 70 дахь тунгийн тухай яриад сууж мэдэхээр байна. Хүмүүсийн сэтгэл зүйгээр тоглохоо болимоор байна.
Эрдэмтийн зөвлөл хариуцлагатай ажиллах хэрэгтэй. Бүүстер тун гэх ойлголт байхгүй, гурав дахь тун л байхгүй юу.”
Эрүүл мэндийн сайд С.Энхболд “Ард иргэддээ халдвар хамгааллын дэглэмийг барьж, шаардлага хангасан амны хаалтаа тогтмол зөвлөхийг анхааруулж байна. Мөн бүүстэр тундаа идэвхтэй хамрагдахыг анхааруулж байна. Учир нь бүүстэр тун хийж эхлэхээс өмнө судалгааны ажлууд хийсэн. Дотоодод хийсэн судалгааны үр дүнд бүүстэр тунг хийж эхэлсэн. Судалгаагаар бүүстэр тун хийснээс хоёр сарын дараа эсрэг биет огцом буурч байгаа. Харин гуравдугаар тунг хийлгэхээр дахин сэргээж байна. Тодруулбал, дархлалын эсийг сайтар сэргээж байна. Тиймээс цаашдаа вакцинжуулалтын ажлыг идэвхтэй хийнэ” гэлээ.
