ЭМЯ-аас коронавируст халдварын нөхцөл байдлын талаар мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа:
“Сүүлийн 24 цагийн байдлаар 8894 хүнд PCR шинжилгээ хийлээ. Эдгээрээс 16 хүний шинжилгээнд халдвар илэрлээ. Үүний 10 тохиолдол нь БЗДНЭ-ийн голомтоос хамааралтай. 2 өвчтөн, гэр бүлийн хамааралтай 8 иргэн байна. Уг голомтоос бүртгэгдсэн нийт тохиолдол нь 194 боллоо.
6 тохиолдол нь ЦТЭ-т эмчилгээ үйлчилгээ явуулж буй эмч, эмнэлгийн ажилтнаас илэрчээ.
Бусад аймгуудад халдварын шинэ тохиолдол бүртгэгдээгүй. МУ-д нийт батлагдсан тохиолдол 1137 , үүнээс 711 эдгэрсэн байна. ”
