Псориаз буюу хайрст үлд нь арьсны эсийн эвэрших үйл ажиллагаа түргэсэний улмаас арьсан дээр зузаан хайрстай тууралт гардаг арьсны үрэвсэлт архаг өвчин юм. Тууралт гарсан хэсгийн арьс хуурайшиж арьсны гоо сайханд муугаар нөлөөлдөг. Загатнаа нь халуун чийгтэй газар ихэсдэг.
Арьсны энэхүү хүнд эмгэг үүсэх шалтгааны талаар олон таамаглал байдаг. Экологийн хүнд нөхцөл, их стресс, халдварт өвчнөөс болж дархлаа сулрах зэрэг. Зарим эрдэмтэд уг өвчнийг дархлааны системтэй холбоотой аутоммиуны эмгэг гэж үздэг. Псориаз нь АНУ-д хамгийн түгээмэл тохиолддог байна. Энэхүү өвний талаар нийтэд түгсэн түгээмэл хэд хэдэн ташаа ойлголт байдаг.
Псориаз буюу хайрст үлдийн талаар түгээмэл байдаг ташаа ойлголтууд:
Ташаа ойлголт: Псориаз халдварладаг
Псориаз нь халдварладагүүй. Зарим тохиолдолд тодорхой гентэй холбоотой удамших хандлагатай байдаг. Гэхдээ үүнийг өдөөгч олон хүчин зүйлс бий. Эдгээр нь стресс, арьсны гэмтэл, халдвар, цаг агаарын өөрчлөлт, эмэнд үзүүлэх хариу урвал зэрэг юм.
Ташаа ойлголт: Арьс бохирдсоноос псориаз үүсдэг
Тайлбар: Псориазын илрэх байдал нь арьсны өнгөн хэсэгт боловч гадаргуугийн доор маш олон процесс явагддаг. Цэвэр байдал нь үүнтэй ямар ч холбоогүй юм. Генийг болон өдөөгч хүчин зүйлс нөлөөлнө.
Ташаа ойлголт: Псориазыг оношлоход хялбар
Тайлбар: Псориаз нь арьсны бусад өвчинтэй төстэй тул оношлоход хэцүү байдаг. Яг нарийн онош тавихын тулд эмч тань арьсны эдээс дээж авч, микроскопоор харах шаардлагатай болж магадгүй юм.
Ташаа ойлголт: Хайрст үлдийг эмчлэхэд мэргэжилтний зөвлөгөө шаардлагагүй
Тайлбар: Арьс судлалын эмч нар арьсны өвчнийг оношлох, эмчлэх чиглэлээр тусгайлан бэлтгэгдсэн байдаг. Тэд өвчнийг шинж тэмдгийг таньж, зөв тохирсон эмчилгээг хийнэ.
Ташаа ойлголт: Псориаз арилдаг
Тайлбар: Тодорхой хугацаанд шинж тэмдэг нь намдах ч бүр мөсөн арилдаггүй. Удаан хугацааны туршид эсүүд эвэршиж, дараа нь тодорхой хугацаанд сайжирдаг. Эдгэрчихлээ гээд эмчилгээгээ зогсоож болохгүй.
Ташаа ойлголт: Псориазыг эмчлэх арга байхгүй
Тайлбар: Псориазыг эмчлэх хэд хэдэн арга бий. Эмийн болон лазерийн гэх мэт. Эмчилгээг өвчний явцаас хамааран хийдэг. Хөнгөн хэлбэрт хялбараас хүндрүү шилжих арга хэрэглэнэ. Өөрөөр хэлбэл, эхлээд тос, түрхлэг, гель, үрэвслийн болон харшлын эсрэг үйлчилгээ бүхий хэрэгслүүдийг ашиглана.
Эх сурвалж: healthguides.cnn