ЭМЯ-аас коронавируст халдварын нөхцөл байдлын талаар мэдээлэл хийлээ.
ХӨСҮТ-ийн Тандалт, судалгааны албаны дарга А. Амбасэлмаа:
“Сүүлийн 24 цагйин байдлаар 19680 хүнд PCR шинжилгээ хийлээ. Ингэхэд 12 хүний шинжилгээнд COVID-19 илэрлээ.
Улаанбаатарт 7 тохиолдол нэмэгдэж, нийт тохиолдол 96 боллоо. 2 нь ХӨСҮТ-ийн ариутгагч байна.
Өчигдөр автобус баазын жолоочоос халдвар илэрсэн. Энэ хүн тусгаарлан ажиглалтад байсан. Түргэвчилсэн тестеер хавьтал болсон 400 гаруй хүнийг шинжилгээнд хамруулаад байна.
Сэлэнгэ аймагт 4 тохиолдол нэмэгдэж, 193 боллоо. Эдгээр хүмүүсийн 3 нь нэг гэр бүлийн гишүүд. 1 нь эмнэлгийн ажилтан байна.
Дархан-Уул аймагт 1 тохиолдол нэмэгдсэн ажиглалт, тандалт явуулж байна.
Орхон, Архангай, Дорноговь, Говьсүмбэр аймгуудад сүүлийн 24 цагийн байдлаар шинэ тохиолдол бүртгэгдээгүй. МУ-д бүртгэгсэн халдварын нийт тохиолдол 831, үүнээс эдгэрсэн 365 байна” гэв.
