Ерөнхий сайд есдүгээр сарын 17-нд Дархан, Сэлэнгийн тариалангийн бүс нутагт ажиллах үед тариалангийн талбайд мал орж буй асуудлыг шийдвэрлэж өгөх зохицуулалт хэрэгтэй байгааг тариаланчид Ерөнхий сайдад уламжилсан. Ерөнхий сайд энэ асуудлыг бүх талын оролцоог ханган шийдвэрлэхийг холбогдох албаныханд үүрэг болгожээ.
Харин энэ мэдээлэлтэй холбоотойгоор Гацуурт компанийн тариалангийн талбайг хашаалахад 9 тэрбум төгрөг төрөөс зарцуулахаар боллоо гэсэн мэдээлэл цахим орчинд тархаж буй.
Энэ талаар сэтгүүлчид ЗГХЭГ-ын дарга Д.Амарбаясгалангаас тодруулахад, Төсвийн хөрөнгөөр хувийн компанийн хашаа барина гэсэн буруу ойлголт явсан байна лээ. Ийм зүйл байхгүй. Татвар төлөгчдийн мөнгөөр хувийн компанийн хашаа барихгүй гэлээ.
