Хууль зүйн байнгын хорооны өнөөдрийн хуралдаанаар “Хүний эрхийн Үндэсний Комиссоос 2023 оны 03 дугаар сарын 29-ний өдөр ирүүлсэн Монгол Улс дахь хүний эрх, эрх чөлөөний байдлын талаарх 22 дахь илтгэл”-ийн талаар хэлэлцэж буй. Энэ үеэр УИХ-ын гишүүн Ц.Сандаг-Очир дараах байр суурийг илэрхийллээ.
Тэрбээр “Ахмадууд төр засгаас олон юм нэхээд байдаггүй. Ганц хүсдэг зүйл нь тэтгэврийн тогтолцоог шинэчлэх. Мөн 2000 оноос өмнөх болон хойших үеийн цалингийн зөрүүг л арилгаад өгөөч гэж л хүсдэг шүү дээ. Ахмад настны тэтгэврийн зөрүүг арилгаж, орон сууцны асуудалд анхаарах хэрэгтэй. Энэ тал дээр ХНХЯ илүү санаачлагатай ажиллаач ээ. Хүний эрхийн үндэсний коммис судалгаа гаргаад ирсэн байна. Одоо салбар яам ажлаа хийх ёстой” гэв.
