Цэцэрлэгт орох хүүхдүүдийн хүсэлтийг цахимаар авч, хуваарилалт хийж дуусаад буй. Нэгдүгээр шатны бүртгэлийн үр дүнд цахимаар хүсэлт гаргасан 111,542 хүүхдийг цэцэрлэгүүдэд хуваарилсан тухай БШУЯ мэдээлж байв.
Харин нийслэлийн цэцэрлэгийн бүртгэл, хуваарилалтын дараа эцэг эх, асран хамгаалагчдаас ирж байгаа түгээмэл асуултуудыг нэгтгэж дараах байдлаар хариулжээ.
Тухайлбал, иргэдээс нэг айлын хүүхдүүдийг өөр, өөр цэцэрлэгт яагаад хуваарилсан талаар тодруулсан байна. Үүнд БШУЯ-наас “Систем автомат хуваарилалт хийхдээ 5 настай хүүхдүүдээс эхэлж цэцэрлэгт хуваарилсан учраас нэг айлын хүүхдүүдийг ялгаж таниагүй болно. Тиймээс хүүхдээ хамруулах хүсэлтэй байгаа цэцэрлэгт хандан өргөдөл гаргана уу. Цэцэрлэг хооронд
шилжилт хийх боломжийг нэгж дээр шийдвэрлэнэ” гэжээ.
