Аутоиммуны эмгэг (1-р хэлбэрийн чихрийн шижин, ревматоид артрит зэрэг нийтдээ 80 орчим төрөл) дэлхий даяар түгээмэл болж байна. Хэрэв цаг тухайд нь оношлохгүй бол эрүүл мэндэд ноцтой хүндрэл учруулж болзошгүй юм. Хамгийн нийтлэг шинж тэмдгүүдийг мэддэг байх эрүүл мэнддээ анхаарах хамгийн эхний алхам юм. Аутоиммуны эмгэг нь эмэгтэйчүүдэд эрэгтэйчүүдээс илүү түгээмэл тохиолддог аж. 80 төрлийн олон эмгэг нь өөр өөр биш хэд хэдэн ижил төстэй шинж тэмдгээр илэрдэг тул AD-ийн нарийн оношлогоо хэцүү гэж үздэг. Аутоиммуны эмгэгийг хамгийн нийтлэг 10 шинж тэмдгийг дурьдав.
10. Хэвлий хэсгээр өвдөх эсвэл хоол боловсруулах эрхтний асуудал
Аутоиммун өвчний хамгийн түгээмэл шинж тэмдэгүүдийн нэг бол өтгөн хатах, гүйлгэх зэрэг ходоод гэдэстэй холбоотой асуудлууд юм.
9.Үрэвсэл
Аутоиммун өвчний ихэнх үрэвсэл нь биеийн дотор явагддаг тул нүдэнд харагддаггүй. Гэхдээ бамбай булчирайн эмчид хандах цаг болсныг илтгэх зарим шинж тэмдгүүд байдаг. Энэ нь бамбай булчирхайн томролоос үүссэн хүзүүний хаван юм.
8. Тогтмол болон давтамжтай халуурах
Хэд хэдэн аутоиммун өвчин вирусын халдвараар эхэлдэг тул халуурах, дахин халуурах шинж тэмдэг илэрч болзошгүй.
7. Ядаргаа
Дархлаа суларч улмаар байнгын ядарч сульдах шинж тэмдэг илэрч байвал эрүүл мэнддээ анхаараарай. Шөнө бүтэн нойроо авсан ч ядрах, нойрмоглох нь аутоиммуны ихэнх эмгэгийн шинж тэмдэг аж.
6. Тунгалгийн хаван
Ревматоид артрит нь ихэвчлэн булчирхайн зангилаа үүсэх шинж тэмдгээр илэрдэг.
5. Арьс загатнах, тууралт гарах
Арьс загатнах эсвэл тууралт гарах нь ихэнх хүмүүсийн бодож байгаагаар харшилтай холбоотой. Гэхдээ үүнээс гадна биеийн дархлаа муу ажиллаж байгааг илтгэж магадгүй. 1-р хэлбэрийн чихрийн шижин, Хашимотогийн өвчин, хайрст үлд болон бусад олон төрлийн эмгэгүүд арьсанд нөлөөлдөг.
4. Чимчигнэх мэдрэмж
Хэрэв хөлөндөө цочрох мэдрэмжийг анзаарсан бол эмчид хандахыг зөвлөж байна.
3. Жингийн өөрчлөлт
Гэнэт таргалах эсвэл турах нь биеийн дархлааны систем нь бодисын солилцоо муудсаныг илтгэнэ.
2. Арьсны өнгө өөрчлөгдөх
Хэрэв гэнэт арьс болон нүдний цагаан өнгөнд шаргал туяа суувал энэ нь аутоиммун гепатитын шинж тэмдэг юм. Арьсан дээр цагаан толбо үүсэх нь vitiligo-ийн шинж тэмдэг юм.
1.Хүнсний харшил
Аутоиммун өвчний бас нэг шинж тэмдэг бол хүнсний харшил юм. Энэ нь целиакийн өвчин, Хашимото зэрэг аутоиммуны эмгэгийн үед илэрдэг аж. Харшил нь тууралт, загатнах шинжгүй байх магадлалтай.
Аутоиммуны эмгэг нь архаг шинжтэй бөгөөд эрт илрүүлснээр эрүүл мэндэд ихээхэн чухал нөлөөтэй.
Эх сурвалж: Brightside