Монголд эмчлэх боломжгүй “Тархи, нуруу нугасны хавдрын навигацийн болон стереотактик туяаны мэс засал” эмчилгээний технологийг нэвтрүүлэх нээлтийн арга хэмжээ Хавдар Судлалын Үндэсний Төвд өнөөдөр боллоо.
Стереотактик туяаны мэс заслын эмчилгээ, түүнийг хийж гүйцэтгэх өндөр нарийвчлалтай шугаман хурдасгуур аппаратыг суурилуулж, хорт хавдрын эмчилгээнд шинээр нэвтрүүллээ.
Энэ төрлийн мэс засал эмчилгээ нь зөвхөн хавдар биш олон төрлийн өвчинд ашиглах боломжтойгоороо онцлог аж. Мөн үндсэн хавдарт өндөр, эрүүл биетэд бага тун өгч үйлчилдэг учир гаж нөлөө багын сацуу үр дүнтэй мэс засалд тооцогддог гэдгийг салбарын хүмүүс онцлов.