БШУЯ-наас их, дээд сургуулийн урьдчилсан эрэмбэ, чансааг өнөөдөр зарлалаа. Мэдээллийн дараа Боловсролын сайд Л.Энх-Амгалан ЕБС-ийн үдийн хоолтой холбоотой асуултад хариулсан юм.
Тэрбээр “ЕБС-ийн “Үдийн хоол” хөтөлбөр хуульчлагдсан учир эцэг эх, асран хамгаалагчдаас мөнгө авахгүй. Харин цэцэрлэгийн хүүхдүүдийн хоолны зардлыг хуваах судалгаа хийж байгаа, эцсийн буюу Засгийн газрын шийдвэр гараагүй” гэв.
Мөн “Хувийн ЕБ-ын сургуулиудын хөтөлбөрт магадлан итгэмжлэх шалгалт оруулна. Кембрижийн хөтөлбөртэй гэсэн мөртөө цаанаа хөтөлбөргүй сургуулиуд бий. Сургалтын төлбөрөө ямар ч үндэслэлгүйгээр тэнгэрт тултал нэмдэг хувийн ЕБС-уудад дараагийн арга хэмжээ авах ажлыг зохион байгуулж байна. Үүнд 10 сая төгрөгөөс дээш төлбөртэй хувийн сургуулиуд хамаарч байгаа. Үр дүнг удахгүй зарлана” гэлээ.
