“Сэтгэцийн эрүүл мэнд-2023” олон улсын эрдэм шинжилгээний хурал өнөөдөр боллоо. Энэ үеэр Анагаах ухааны доктор, профессор Л.Насанцэнгэл хүн амын сэтгэцийн эрүүл мэндийн талаар дараах мэдээллийг өглөө.
Тэрбээр “Монгол Улсын хэмжээнд сэтгэцийн эмгэгийн тархалтын судалгаа хамгийн сүүлд 2013 онд хийж байсан бөгөөд 11 аймаг, нийслэлийн тодорхой дүүргийн хүн амыг хамруулсан. Зонхилон тохиолдох сэтгэцийн эмгэгийн тархалтын судалгаанаас харахад насанд хүрэгчдийн 17.1 хувь нь нойргүйдэлтэй, 11.7 хувь нь биед нь байнга зовуурь, шаналгаа илэрдэг, 6.2 хувь нь архинд донтох эмгэгтэй, зургаан хувь нь сэтгэл гутралтай байгаа юм.
Нийт хүн амын 70 гаруй хувь нь сэтгэцийн хувьд эрүүл гэж үзэж байгаа бол 25 орчим хувь нь тулгамдсан асуудалтай. Иймд сэтгэлээ тайван байлгах, ажлаа төлөвлөх, өөрт ач холбогдолгүй сөрөг мэдээллээс зайлсхийхийг эмч нар зөвлөдөг” гэлээ.
