Улсын Их Хурал(УИХ)-ын намрын чуулган өнөөдөр эхэлж байна.
Чуулганы хуралдааныг нээж УИХ-ын дарга Г.Занданшатар “УИХ-ын отгон намрын чуулган эхэлж байна. Нийгмийн бухимдал өндөр, сонгуулийн идэвхжил ихэссэн, иргэдийн хүлээлт ихсэж, намрын их ажил ундарсан, өвөлжилтийн бэлтгэл хангагдах өндөр хэмнэлтэй цаг үед энэ чуулган эхэлж байна.
Монголын улс төр уламжлал, шинэчлэлтийг зааг үеэ туулж байна. Үндсэн хуулийн өөрчлөлт, сонгуулийн шинэ тогтолцоо, улс төрийн намын шинэ хууль, улс төрийн цоо шинэ уур амьсгал, итгэл хүлээлт дор монгол хүн бүр ирээдүйдээ итгэл тавин хүлээж байна. Үндсэн хуулийн нэмэлт бүрэн цогц хэрэгжих, бүрэн цогцоор нь амилуулах ёстой.
Олон хууль цаасан дээр үлдэх төдий байна. Хуучинсаг, хөшүүн, хаалттай, нууцтай дүлий төр ард үлдэж, эсрэгээрээ нээлттэй, хурдтай, ил тод, ард түмэнтэйгээ ямагт хамт байдаг хүчтэй төрийг төлөвшүүлэхийг иргэд дуу нэгтгэн шаардаж байна.
УИХ-ын Хяналт шалгалтын түр хороог яаралтай зохион байгуулж, газрын наймаа, нийтийн тээвэр, дулаан цахилгааны тусгай зөвшөөрөл, төрийн худалдан авалтыг тойрсон авлига хээл хахуулийг ил тод болгож, хариуцлага тооцох ёстой” хэмээв.
