Хичээлийн шинэ жил дөхөх үеэр нийслэлийн замын хөдөлгөөний ачаалал эрс нэмэгддэг. Иймд ямар зохицуулалт хийх талаар Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг мэдээлэл өгөв. Тэрбээр дугаарын хязгаарлалтыг өөрчилж, есдүгээр сарын дунд хүртэл зохицуулалт оруулахаар төлөвлөсөн гэдгийг хэлэв.
Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг “Хичээлийн шинэ жилтэй холбогдуулаад долоо хоногт нэг удаа дугаарын хязгаарлалт хийж байгаад өөрчлөлт оруулах тооцоололтой байна. Гэхдээ одоогоор эцэслэгдээгүй тул дэлгэрэнгүй мэдээлэл өгөх боломжгүй. Урьдчилсан байдлаар дугаарын хязгаарлалтыг өөрчилж, наймдугаар сарын 25-наас есдүгээр сарын дунд хүртэл тодорхой зохицуулалт оруулахаар төлөвлөж байгаа” гэлээ.
Өмнөх жил мөн улсын дугаарын тэгш, сондгой орноор нь хязгаарлан хөдөлгөөнд оролцуулах шийдвэр гарч байв.