“УБ Сонгдо” зүрх судасны эмч, анагаах ухааны доктор Ц.Намхайдорж зүрхний шигдээс өвчний талаар мэдээлэл өгснийг сийрүүлэн хүргэж байна.
Зүрхний шигдээс үүсэхэд нөлөөлдөг хүчин зүйлс нь юу вэ?
Зүрх шигдээс, зүрх судасны өвчин нас баралтын тэргүүлэх шалтгааны нэг болж байна. Хүний биеийн бүх судас нас ахихтай холбоотойгоор нарийсаж байдаг. Үүнд дээр амьдралын буруу хэв маягтай, илүүдэл жинтэй, тамхи их татдаг, стресстэй ажил хийдэг, өөх тосны солилцооны алдагдалтай, чихрийн шижинтэй байвал судаснууд улам хурдан хатуурч, нарийсна.
Ингээд судас их хурдтай хатуурч нарийссанаар титэм судсанд цус хомсрох хам шинж үүсдэг. Энэ удаан явцдаа зүрхний дутагдалд хүргэх эрсдэлтэй. Харин титэм судас огцом бөглөрвөл хурц шигдээс үүсдэг.
Зүрхний шигдээс болсон тохиолдолд юуг анхаарах вэ?
Хурц шигдээс үүссэн үед хүний амь нас секундээр хэмжигддэг бөгөөд яаралтай эмнэлгийн тусламж авах хэрэгтэй. Энэ үед хамгийн ойрхон эмнэлэгт хандаж зүрхний бичлэг, эхо болон бусад шинжилгээнүүдийг өгснөөр дараа дараагийн эмчилгээг хийнэ.
Тухайн хүнд ямар шинж илрэх вэ?
Зүрхний өвдөлт их онцлогтой байдаг. Гүйх, хоол идсэний дараа, хүнд юм өргөсний дараа, хүйтэн салхи амьсгалахад зүрхний өвдөлт илэрдэг. Эргээд амрах үед намддаг онцлог өдөлттэй. Өдвөлт нь юм дараад, бачуураад, хоолой руу шахаад байгаа юм шиг өвддөг.
Манай улс бол дэлхийн стандартад нийцсэн арга хэмжээнүүдийг авдаг. Тухайлбал ангиография гэх эмчилгээний арга бий. Гар эсвэл хөлийн судсаар дамжуулаад бөглөрсөн судсыг сэтгүүрдэж онгойлгоод тэлэгч тавьж эмчилдэг. Эмчилгээний үр дүн маш өндөр бөгөөд өвчтөн зовиур багатай байдаг.
