2021 оны ЭМДҮЗ-ийн 03 дугаар тогтоол хэрэгжиж эхэлсэнтэй холбогдуулан иргэд, даатгуулагчдад үзүүлэх тусламж, үйлчилгээний багцууд шинэчлэгдэн нийт 11 төрлийн багц тусламж, үйлчилгээг ЭМД-ын сангаас санхүүжүүлж эхэлсэн.
ЭМД-ын шимтгэлээ төлсөн бүх насны иргэд ЭМДЕГ-тай гэрээт улсын болон хувийн хэвшлүийн эрүүл мэндийн байгууллагад хэвтэн эмчлүүлж, эрүүл мэндзийн даатгалын хөнгөлөлт эдлэх эрхтэй.
Хэвтүүлэн эмчлэх тусламж, үйлчилгээний хувьд нийт 490 оношийн бүлэг багтаж байгаа бөгөөд оношоос хамаарч тусламж, үйлчилгээний төлбөрийн 70-100 хувийг ЭМД-ын сангаас хариуцдаг боллоо.
Тухайлбал, Тархины шигдээс, тархины артерийн нарийслын мэс заслын нийт төлбөр 11 сая төгрөг бөгөөд ЭМД-ын сангаас төлбөрийг 100 хувь хариуцна.
Мөн иргэдэд түгээмэл тохиолддог зүрхний хэм алдагдлыг эмийн эмчилгээний нийт зардал 580 мянган төгрөг бөгөөд ЭМД-ын сангаас төлбөрийн 85 хувь буюу 493 мянган төгрөгийг хөнгөлснөөр иргэний хувиасаа төлөх зардал 87 мянган төгрөг болж байгаа юм байна.
Эх сурвалж: Эрүүл мэндийн даатгалын ерөнхий газар
