БНХАУ-ын Хунань мужийн иргэн 46 настай Ли Хуа 28 жилийн турш нуруу нь тахийж эвхэгдсэн мэт бөгтгөр байдалтай амьдарчээ. Тэрээр 1991 онд 18 настай байхдаа генийн алдаанаас үүсдэг ‘ankylosing spondylitis'(AS) өвчтэй хэмээн оношлогдон, сээр нуруу нь буруу хөгжсөн байна.
Түүний биеийн байдал сүүлийн таван жилд улам хүндэрч, гэрийнхэн нь Шэньжэний их сургуулийн эмнэлгийн мэс засалч, профессор Тао Хуйрэнд хандаж нурууны мэс засал хийлгэхээр болжээ. Профессор Тао өмнө нь Литэй ижил төрлийн өвчтэй олон хүнд мэс засал хийж байсан ч ингэтлээ хүндэрсэн хүн үзээгүй аж.
Ли Хуаны гэр бүл санхүүгийн боломж хомсоос үүдэн өнөөг хүртэл эмчилгээ хийлгэж чадаагүй ба профессор Тао хямд үнээр мэс засал хийн түүний нурууг засчээ.
Ли Хуа мэс заслын дараа нуруугаа тэнийлгэн алхагчийн тусламжтайгаар цэх алхаж, сууж чаддаг болсон байна.
