Хичээлийн шинэ жилийн эхэн үед Улаанбаатар хотын замын түгжрэлийг багасгах зорилгоор наймдугаар сарын 26-ны өдрөөс тээврийн хэрэгслийн улсын дугаарын тэгш, сондгойгоор ялгаж, хөдөлгөөнд оролцуулж байгаа.
Уг шийдвэр есдүгээр сарын 15-наас буюу өнөөдрөөс эхлэн хуучин горимдоо орж, ирэх амралтын өдрүүдэд дугаарын хязгаарлалт үйлчлэхгүй.
Автомашины улсын дугаарын сүүлийн орноор хязгаарлагдах зохицуулалтыг сануулж байна.
- 1, 6-аар төгссөн дугаартай бол ДАВАА гарагт хөдөлгөөнд оролцохгүй.
- 2, 7-оор төгссөн дугаартай бол МЯГМАР гарагт хөдөлгөөнд оролцохгүй.
- 3, 8-аар төгссөн дугаартай бол ЛХАГВА гарагт хөдөлгөөнд оролцохгүй.
- 4, 9-өөр төгссөн дугаартай бол ПҮРЭВ гарагт хөдөлгөөнд оролцохгүй.
- 5, 0-ээр төгссөн дугаартай бол БААСАН гарагт хөдөлгөөнд оролцохгүй.
