Засгийн газраас 2021 онд өргөн мэдүүлсэн Боловсролын багц хуулийн төслийн хэлэлцүүлэг хоёр жил үргэлжилж байгаа. Уг хуулийн төслийн Ажлын хэсгийн ахлагч, УИХ-ын гишүүн Г.Дамдинням өчигдөр танилцуулсан юм. Тэрбээр хуулийн төсөлд Үндсэн гадаад хэлийг англи хэл болгож оруулна гэдгийг хэлсэн.
Боловсролын багц хуулийн төсөл нь 52 зүйлтэй, 300 гаруй заалттай.
- Боловсролын ерөнхий хууль
- Сургуулийн өмнөх боловсролын тухай хууль
- Дээд боловсролын тухай хууль
- Мэргэжлийн боловсролын хууль гэсэн багцын хүрээнд бэлтгэгдэж байгаа.
Тэгвэл, Боловсрол соёл, шинжлэх ухаан, спортын байнгын хорооны өнөөдрийн хуралдаанаар “Боловсролын ерөнхий хуулийг” хэлэлцэж, үдээс хойш УИХ-ын чуулганаар хэлэлцүүлхээр болжээ. Ийнхүү “Боловсролын ерөнхий хууль”-д өөрчлөлт орвол бага ангиасаа эхлэн англи хэлийг үзэх эрх зүйн орчин бүрдэнэ хэмээн эх сурвалжууд мэдээлж байна.
