Хятадын зүүн хэсэгт орших Жиансу мужийн Шюжоу хотын Ардын шүүх баасан гарагт зургаан хүнд хорих ял оноолоо. Тэднийг нэгэн эмэгтэйг хулгайлж, худалдсан, эрх чөлөөг нь хассан, түүнтэй зүй бусаар харьцсан хэрэгт буруутай гэж үзжээ.
Тодруулбал, Шиаохуамэй гэх эмэгтэйтэй 1998 оноос хойш хамт амьдарч байсан Дун Жиминд шүүгч есөн жилийн хорих ял оноожээ. Түүнийг эмэгтэйтэй зүй бусаар харьцаж, эрх чөлөөг нь боомилж байсан хэрэгт буруутай гэж үзсэн байна.
Шүүхийн шийдвэрийн дагуу бусад таван шүүгдэгч 8-13 жилийн хорих ял, мөн тухайн эмэгтэйг хулгайлсан, худалдаалсан хэрэгт буруутай нь тогтоогдсон тул торгох ял оноожээ. Шүүх хурлын үеэр зургаан шүүгдэгчийн тав нь гэм буруугаа хүлээсэн байна.
Гэвч баасан гаригт болсон шүүхийн шийдвэрийг эсэргүүцсэн олон хүн ялын хэмжээ хэтэрхий бага, шинэчлэл хийгдээгүй хэвээр байна гэж мэдэгджээ.
Сануулахад, Фэншянь мужаас ирсэн влоггерийн бичлэг 2022 онд Хятадын интернетэд шуугиан тарьсан.
Энэ хэрэг Хятадын олон нийтийн анхаарлыг татсан бөгөөд тэдний олонх нь эмэгтэйн төлөө шударга ёс тогтоохын төлөө тасралтгүй интернетээр кампанит ажил өрнүүлжээ.
Эхэндээ орон нутгийн удирдлагууд хүн худалдаалахтай холбоотой хэрэг биш, хосууд хууль ёсны гэрлэлтийн гэрчилгээтэй байсан бөгөөд тэд зүгээр л гэр бүлийн асуудалтай байсан гэж мэдэгджээ.
Эрх баригчид мөн түүний нөхөр Дун Жиминийг Шиаохуамэйг шизофрени өвчтэй, хүчтэй хямралд өртөмтгий байсан тул хорьсон гэж өмгөөлсөн үгээ давтсаар байсан юм.
Гэсэн хэдий ч ийм мэдэгдэл нь зөвхөн олон нийтийн дургүйцлийг төрүүлэв. Энэ нь эрх баригчид эмэгтэйн болон хүний наймааны бусад хохирогчдын эмчилгээнд нүдээ аниад өнгөрлөө гэсэн шүүмжлэлийг цахим ертөнцөөр улам хурцатгав.
Ийнхүү асуудал намжихгүй улам даамжирсан тул эрүүгийн хэрэг үүсгэн шалгаж, цагдаа нар хүүхэд, эмэгтэйчүүдийг худалдаалах гэмт хэрэгтэй тэмцэхээ амласан юм.
Энэ долоо хоногт болсон шүүх хурлаар хэргийн олон нарийн ширийн зүйл анх удаа батлагдлаа.
Шүүх Шиаохуамэйг өсвөр насандаа байхад 1998 онд төрөлх Юньнан мужаасаа хулгайлж, Дунхай мужийн тариачинд 5000 юаниар буюу тухайн үед 360 фунт буюу 600 доллараар зарсан болохыг тогтоожээ.
Жилийн дараа түүнийг дахин олон наймаачид худалдсан бөгөөд энэ удаад хосууд түүнийг Донгийн аавд худалдахаар болжээ.
Шяохуамэйг анх Дунгийн гэрт ирэхэд нь “Өөрийгөө халамжилж, бусадтай харилцах чадвартай байсан” гэж шүүгчид хэлэв.
Шүүхээс Донг эхнэрээ та рчлааж, хү чирхийлсэн хэрэгт буруутай гэж үзжээ. Тэрээр Сяохуамэйг хү чирхийлж 1999 онд, дараа нь 2011-2020 он хүртэл долоон хүүхэд төрүүлжээ.
Гурав дахь хүүхдээ төрүүлсний дараа Шиаогийн шизофрени нь улам дордов. 2017 онд түүнийг гадаа овоохой руу нүүлгэж, даавуун олс, гинжээр хүлэн амьдруулах болсон байна. Овоохой нь ус, цахилгаан, гэрэлгүй байсан бөгөөд ихэнхдээ түүнд хоол өгөхгүй өлөн зэлмэн байлгадаг байжээ.
Даргалагч шүүгч Яо Хуй хэлэхдээ, Донг эхнэрээ өвдсөн үед нь хэзээ ч эмчид үзүүлж байгаагүй бөгөөд түүний биеийн байдлаас үл хамааран удаа дараа жирэмсэн болгосон гэв.
Баасан гарагт шүүхийн шийдвэрийн тухай мэдээ олон нийтийн мэдээллийн хэрэгслээр Weibo платформ дээр гарч, шүүхийн шийдвэр гарсан эхний цагийн дотор 100 сая гаруй хандалт авсан байна.
Шиаохуамэйг өнгөрсөн жил тосгоноос нь гаргаж, эмнэлэгт хүргэсэн гэж Хятадын хэвлэлүүд мэдээлжээ.
1999-2020 оны хооронд Шиаохуамэй Дун Жиминий найман хүүхдийг төрүүлжээ. Дун Жимин 2017 оноос хойш хохирогчийг олсоор уяж, хүзүүг нь гинжилж, эрх чөлөөг нь боомилж, хүйтэнд байнга орхиж, өлсгөдөг байсныг цагдаа нар тогтоосон байна. Ийм үйлдлийн улмаас Шяохуамэйн сэтгэцийн эрүүл мэнд ноцтойгоор хохирчээ.
Дун Жиминий эдгээр үйлдэл эмэгтэйн эрүүл мэндэд ноцтой хохирол учруулж, улмаар Шиаохуамэй шизофрени өвчтэй болсон нь хүндрүүлэх нөхцөл болсон гэж шүүх дүгнэсэн байна.
