Д.Баярболд: 31-ээс дээш насны бүх иргэнд хоол боловсруулах тогтолцооны өвчлөл өндөр байна

0
77

2022 оны тавдугаар сарын 1-нээс Монгол Улсын иргэн бүрийг эрүүл мэндийн эрт илрүүлэг үзлэг шинжилгээнд хамруулж эхэлсэн. Энэ талаар ЭМЯ-ны Нийтийн эрүүл мэндийн газрын дарга Д.Баярболд мэдээлэл өглөө.

Тэрээр “2022 оны тавдугаар сарын 1-нээс эрүүл мэндийн эрт илрүүлэг, үзлэг шинжилгээ эхэлсэн. Энэ найман сарын орчмын хугацаанд 816,624 иргэн эрт илрүүлэгт хамрагджээ. Энэ үзлэг шинжилгээ жил бүр зохион байгуулагдана. Тиймээс иргэд өрх, сумын эрүүл мэндийн төвөөс ирсэн урилгын дагуу эмнэлгийн байгууллагад хандах боломжтой.

Эрт илрүүлэгт хамрагдсан 816,624 иргэдээс давхардсан тоогоор 588,000 иргэнд өвчний сэжигтэй тохиолдол илэрсэн. Тухайлбал,

  1. Хоол боловсруулах тогтолцооны өвчин
  2. Амьсгалын тогтолцоо
  3. Зүрх, судасны тогтолцоо
  4. Дотоод шүүрэл, бодисын солилцооны
  5. Шээс, бэлгийн замын өвчлөлүүд нийт өвчлөлийн 90 орчим хувийг эзэлж байна.

Харин 0-17 насны хүүхдүүдийн дунд шүд цоорох өвчний тархалт 80 гаруй хувьтай буюу 10 хүүхэд тутмын 8 нь цоорхой шүдтэй байна. 18-30 насны иргэдийн дунд шээс, бэлгийн замын тогтолцооны эмгэгүүд, 31-ээс дээш насны бүх иргэнд хоол боловсруулах тогтолцооны өвчлөл өндөр байна гэсэн дүн гарсан” гэлээ.