Ханиаднаас сэргийлэх, энгийн аргуудын талаар НЭМГ-аас мэдээлэл өглөө.
Ханиаднаас сэргийлэх, энгийн аргууд:
- Ханиад хүрсэн, хоолой өвдсөн эхний үед хөлийн шилбэний эрээн булчинг халуун усанд 15 минут дүрнэ. Халуун усандаа сод, гич, цагаан архийг бага хэмжээтэй хийвэл сайн.
- Шинэ алимыг таллан хувааж цагаан гаа нэмээд 150 мл усанд буцалган шүүсийг өдөрт 3- 4 удаа ууна.
- Нохойн хошууны үр, жимсэнд витамин С ихээр агуулагддаг учраас бие махбодын өвчин эсэргүүцэх чадварыг сэргээхэд тустай. Нэг аяга буцалсан усанд нэг жижиг цайны халбага хатаасан нохойн хошууны үр, жимсийг хийж хандлаад өдөрт 3 удаа ууна.
Түүнчлэн, ЭХЭМҮТ-ийн хүүхдийн их эмч, клиникийн профессор А.Оюунчимэг ” Хүүхдийн ханиад хүндэрч байгаа эсэхийг ээж нар мэдмээр санагддаг. Тэр тохиолдолд хоёр зүйлийг л анхаар.
- Таны хүүхэд халуураагүй байхдаа хоолондоо дургүй байна уу?
- Халуураагүй байхдаа орчны сонирхолтой байна уу? гэсэн хоёр зүйлийг л анхаар.
Хүүхэд халуураагүй байхдаа хоолоо идэхгүй, унжгар ноомой бол ханиад хүндэрч байгаагийн шинж. Халуунтай хүүхэд унжгар ноомой байснаа халуун буух үед хоолоо идээд, тоглож байвал учиртай” гэдгийг хэлсэн юм.
