ЦУОШГ: Арванхоёрдугаар сард төвийн ихэнх аймгаар цас ихтэй, хүйтэн байна

0
129

Арванхоёрдугаар сард баруун болон төвийн аймгуудын ихэнх хэсэг, зүүн аймгуудын нутгийн хойд хэсгээр олон жилийн дунджаас хүйтэн, бусад нутгаар дундаж температуртай байна.

Хур тунадасны хувьд баруун болон говийн аймгуудын нутгийн баруун хэсгээр бага, төвийн аймгуудын ихэнх хэсэг, зүүн зүгийн нутгийн хойд хэсгээр ахиу, бусад нутгаар дунджийн орчим цас орох төлөвтэй байна.

Баруун аймгуудын нутгийн хувьд цас бага орох төлөвтэй байгаа боловч шөнөдөө илүү хүйтэн хонох магадлал өндөр.

Харин төвийн ихэнх аймгууд болон зүүн зүгийн нутгийн хойд хэсгээр цас ихтэй, хүйтэн байх тул малчид, иргэд өвөлжилтийн бэлтгэл байдалдаа онцгойлон анхаарахыг Цаг уурын байгууллагаас зөвлөв.