Крис Хемсворт: Алцхаймер өвчний эрсдэлийн улмаас жүжигчний ажлаа түр завсарлана

0
163

Алцхаймер өвчин тусах өндөр эрсдэлтэй болсон Холливүүдийн од Крис Хемсворт жүжигчний ажлаа түр завсарлахаар болсон байна.

“Thor” киноны гол дүрийн жүжигчин маань саяхан Disney+ сувгийн “Limitless” баримтат цувралд тоглохдоо хийлгэсэн эрүүл мэндийн үзлэг шинжилгээгээр энэ тухай мэджээ.

Тэрээр Vanity Fair сэтгүүлд өгсөн ярилцлагадаа ” Миний “хамгийн том айдас” энэ өвчин болсон. Гэхдээ урьдчилан сэргийлэх бүх арга хэмжээг авч эхэлсэн” хэмээжээ.

Алцхаймер бол зөнөгрөх өвчний хамгийн түгээмэл хэлбэр бөгөөд уг өвчнөөр өвчилсөн тохиолдолд ой санамжаа алдаж, бусадтай харилцахад маш хэцүү болдог байна.

Хемсвортын хувьд Алцхаймер өвчний эрсдэлтэй ApoE4 генийг эцэг, эхийнхээ аль алинаас нь өвлөж авсан нь ийм удамшилгүй хүмүүстэй харьцуулахад өвчлөх магадлал 8-10 дахин өндөр ажээ. Харин хүмүүсийн ердөө 2-3 хувьд уг генийн хосолсон удамшил илэрдэг аж.

“Би уран бүтээлийн замналаа өндөрлүүлэх бодолгүй байна. Ямартай ч хэсэг хугацаанд завсарлах хэрэгтэй боллоо. Сайн унтаж амрах, стрессээ багасгах, шим тэжээл, хөдөлгөөн, фитнес гэх урьдчилан сэргийлэлт бүгдийг шийднэ” хэмээн Хемсворт ярьжээ.

Эх сурвалж: BBC