“Дансны мэдээлэл зөрүүтэйн улмаас НДШ-ийн буцаан олголтоо аваагүй бол мөнгийг нь дараа сард олгоно”

0
323

Нэг сая ба түүнээс доош орлогоосоо НДШ төлсөн иргэдэд сарын бүрийн 25-нд 50%-ийг он дуустал буцаан олгож буй. Үүнд сайн дураараа НДШ төлөгч ч хамаардаг. Уг буцаан олголтыг 2022 оны тавдугаар сараас тооцон өгч эхэлсэн.

Харин шимтгэлээ буцааж авч чадаагүй иргэд дансны мэдээллээ шалгаж, шинэчлэн баталгаажуулахыг холбогдох газраас мэдээллээ.

https://daatguulagch.ndaatgal.mn/#/account/login, E-Mongolia төрийн үйлчилгээний нэгдсэн портал болон харьяа аймаг, дүүргийн Нийгмийн даатгалын хэлтэс, сумын нийгмийн даатгалын тасаг, байцаагчид өөрийн биеэр очин дансны мэдээллээ засуулах боломжтой байна.

Нийгмийн даатгалын ерөнхий газраас “Дансны мэдээлэл зөрүүтэйн улмаас тухайн сарын буцаан олголтоо аваагүй иргэдийн мөнгийг дараагийн сард нөхөн олгоно” гэв.