ОХУ-ын иргэдэд Монгол Улсад оршин суух зөвшөөрөл олгох шийдвэр гаргасан талаар албаны эх сурвалж хэвлэлд мэдээлжээ.
Тодруулбал, ОХУ-ын иргэд Монгол Улсад цаашид тодорхой хугацаагаар оршин суух хүсэлтээ өгч байгаатай холбогдуулан хүсэлтээ өгсөн ОХУ-ын иргэдэд зохих ангиллын оршин суух зөвшөөрлийг олгох шийдвэр гаргасан гэжээ.
ОХУ-ын Ерөнхийлөгч Владимир Путин хэсэгчилсэн цэргийн дайчилгаа зарласан цагаас хойш тус улсын эрэгтэйчүүд эх орноосоо гарах гэж хил дээр урт дараалал үүсгэсэн тухай хэвлэлүүд мэдээлж байв.
Тухайлбал ОХУ цэргийн дайчилгаа зарласан өдрөөс хойш долоо хоногийн хугацаанд Алтанбулаг боомтоор Оросын 6,268 иргэн манай улсад орж ирсэн гэх ч мэдээлэл байгаа юм.