БШУЯ: Бүртгүүлсэн хүүхдийг гэрт нь хамгийн ойр цэцэрлэгт хуваарилна

Нийслэлийн цэцэрлэгт хамрагдах эхний ээлжийн бүртгэлийн хүсэлтийг энэ сарын 10-24-ний хооронд цахимаар хүлээн авсан. Нийт 111 мянган 542 хүүхэд бүртгүүлжээ.

Цэцэрлэгт хуваарилсан талаарх мэдээлэл эцэг эхчүүдэд дараах гурван сувгаар хүргэнэ. Үүнд:

  • E-Mongolia систем
  • Үндэсний цахим шуудан
  • Эцэг эхийнх нь бүртгэлтэй гар утасны дугаарт зурвасаар мэдээлэл тус тус очно.

Хэрвээ “Хүсэлтийг судалж байгаа” гэсэн төлөвтэй байвал сандралгүй, төлөв өөрчлөгдөхийг хүлээгээрэй. Таны хүүхдийг тун удахгүй харьяа оршин суугаа хаягийнх нь дагуу цэцэрлэгийг хуваарилах болно.

Монгол Улсын Засгийн газраас энэ жил хүүхэд бүрийг цэцэрлэгт хамруулахаар төлөвлөж байгаа тул эхний ээлжийн бүртгэлээс хоцорсон эцэг эхчүүд 2022 оны 09 дүгээр сарын10-25 болон 2022 оны 10 дугаар сарын 03-24-ний хооронд цэцэрлэгийн бүртгэлийг дахин зарлах юм.

Мөн цэцэрлэгийн бүртгэлтэй холбоотой иргэдээс ирж буй түгээмэл асуултад БШУЯ-наас дараа хариултыг өгчээ. Үүний дотор “Бүртгүүлсэн хүүхдийг аль цэцэрлэгт хэрхэн хуваарилах вэ” гэсэн асуултад “гэрт нь хамгийн ойр цэцэрлэгт хуваарилна” гэсэн байна.

Мөн “Эцэг, эх хоёр нь өөр хаягтай бол хүүхдээ хэнийх нь хаягаар бүртгүүлэх вэ?” гэсэн асуултад “бүртгэл хүүхдийн хаягаар хийгдэнэ” гэсэн хариу өгчээ.

spot_img

ШИНЭ

БУСАД МЭДЭЭ

error: Content is protected !!