Сүхбаатар дүүргийн Нэгдсэн эмнэлгийн дарга, Хүний гавъяат эмч М.Чимгээ дараах зөвлөгөөг өгснийг хүргэж байна.
Тэрээр “Ковидын халдвар их байгаа энэ үед иргэддээ сэрэмжлүүлэг болгож энэ зөвлөгөөг хүргэж байна. Ер нь халдварт өвчнөөс сэргийлэхэд хувь хүний ахуйн соёл хамгийн чухал. Өөрөөр хэлбэл маск сайн зүү, хуруу гараа болохгүй зүйлд бүү хүргэ. Болж өгвөл бээлийгээ өмс. Энэ бол хамгийн сайн хамгаалах аргуудын нэг.
Хоёрдугаарт, дархлаагаа маш сайн дэмжих хэрэгтэй. Тодруулбал, ус сайн уу. Усаа уухдаа ихээр биш бага багаар шимж, болгож уувал тэр өдөртөө таны эд эсэд шим тэжээл болж өгнө. Цус шингэн байна. Ковидын халдвар цус өтгөрүүлж байгаа учраас шингэлж өгөх юм бол бид дархлаагаа дэмжиж, халдвараас өөрсдийгөө хамгаалж чадна гэсэн үг” гэлээ.
