Х.Нямбаатар: Б.Баабар гуайд хэлэхэд улсынхаа нэр хүндийг захиалгаар сэвтүүлэхээ боль

Нийтлэлч Баабар манай улсын нүүрсний экспортын хэмжээ 50 хувиар буурсан гэж жиргэжээ. Энэ үнэн үү?

Х.Нямбаатар, Баабар нийтлэлч твиттер хуудсандаа “Монгол Улсын Засгийн газрын санхүүжилтээр нэрт найруулагчийн найруулсан баримтат киноны үр дүнд БНХАУ Монгол Улсаас худалдаж авдаг нүүрснийхээ хэмжээг 50 хувиар бууруулсан” гэж жиргэснийг би харсан.

Баабар гуайд хаяглан хэлэхэд, Олон улсын хямралт нөхцөл байдлын үед улс орноо бодож Монгол Улсын Засгийн газрын нэр хүндийг зориуд захиалгаар сэвтүүлэх үйлдэл битгий гаргаач ээ. Засгийн газраас ямар нэг суртал ухуулгад чиглэсэн нэвтрүүлэг захиалж хийлгээгүй.

Баабар нийтлэлч Экспортын нүүрсний хэмжээ 50 хувиар буурсан гэх агуулга дурдсан. Та бүхэн Гаалийн ерөнхий газрын вэб сайтаас 2022 оны 6, 7 дугаар сарын нүүрсний экспортын биет хэмжээг хараарай. 2019 оны оргил үеийнхийг давсан хэмжээний нүүрсийг өнөөдөр экспортолж байна.

Наймдугаар сарын 3-ны өглөөний мэдээгээр Гашуунсухайтын боомтоор өчигдөр 558 тээврийн хэрэгсэл, Ханги-Мандалын боомтоор өчигдөр 228 тээврийн хэрэгсэл, Шивээхүрэнгээр 80 орчим тээврийн хэрэгсэл нүүрс БНХАУ руу гарсан гэсэн мэдээ ирсэн. Бид өглөө бүхэн боомтуудыг мэдээг харж, холбогдох арга хэмжээг авч ажилладаг.

Олон улсын харилцаа тогтворгүй байгаа энэ үед бид нэг бодлого, зорилготой байх ёстой. Улс орноо дампуураасай гэсэн хандлагаар ажиллаж болохгүй байх гэдгийг хэлье гэлээ. 

spot_img

ШИНЭ

БУСАД МЭДЭЭ

error: Content is protected !!