Даатгуулагч-иргэний эрүүл мэндийн байгууллагаас авсан тусламж, үйлчилгээний нийт зардлыг эрүүл мэндийн даатгалын сан болон иргэн хамтран төлдөг талаарх мэдээллийг Эрүүл мэндийн даатгалын ерөнхий газраас хүргэлээ.
ХАМТЫН ТӨЛБӨР ГЭЖ ЮУ ВЭ?
Эрүүл мэндийн даатгалын ерөнхий газартай гэрээтэй эрүүл мэндийн байгууллагаас үзүүлэх тусламж, үйлчилгээний зардлын 30 хүртэлх хувийг даатгуулагч өөрөө хариуцан төлөх, үлдсэн төлбөрийг эрүүл мэндийн даатгалын сангаас хариуцахыг хамтын төлбөр гэдэг.
Хамтын төлбөр нь 12 төрлийн тусламж, үйлчилгээний 705 оношийн бүлэгт хамаарна.
Тухайлбал: Нүдний болор солиулах мэс засалд (оношийн бүлгээс хамааран) орж эрүүл мэндийн тусламж үйлчилгээ авсан тохиолдолд нийт 1,760,000 төгрөгийн зардлаас эрүүл мэндийн даатгалын сангаас 1,320,000, иргэн та 440,000 төгрөг төлөх юм.