“ДОЗ энтертайнмент”-ийн захирал Шадавын Доржсүрэнд Монгол Улсын Гавьяат жүжигчин цол хүртээлээ.
Тэрбээр соёл урлагийн салбарт 20 гаруй жилийн хөдөлмөр, бүтээлээ зориулахдаа 20 гаруй жүжгийн гол болон туслах дүрийг бүтээж, 10 гаруй уран сайхны киног найруулсан байна.
Мөн телевизийн олон цэнгээнт нэвтрүүлэг бэлтгэн олон нийтийн хүртээл болгосон хийгээд урлагийн салбарын шинэ залуу боловсон хүчнийг бэлтгэх, сургаж дадлагажуулахад өөрийн хичээл зүтгэлээ зориулжээ.
Монголын тайз, дэлгэц, драмын урлагийг хөгжүүлэх, олон улсад сурталчлан таниулах үйлсэд оруулсан түүний бодит хувь нэмрийг нь үнэлэн Монгол Улсын Гавьяат жүжигчин цол хүртээлээ.