“Хүүхдийн илүүдэл жин ба таргалалтаас сэргийлэх нь” хэлэлцүүлэг боллоо. Энэ үеэр 2030 онд гэхэд хүүхдүүдийн 20 хувь нь илүүдэл жин, таргалалттай болох эрсдэлтэй гэдгийг мэргэжилтнүүд онцоллоо.
Нийгмийн Эрүүл Мэндийн Үндэсний Төвийн Эрдэм шинжилгээний ажилтан Н.Болормаа “Хүүхдийн эрүүл мэндийн асуудал зөвхөн эрүүл мэндийн салбар бус бүхий л салбараас хамаардаг. Олон улсын дүн шинжилгээгээр Монгол хүүхдүүд таргалалт үүсгэх маш эрсдэлтэй орчинд амьдарч байна. Нэгдүгээрт, хүнсний орчин хүүхдийн таргалалт үүсэхэд маш их нөлөөлдөг. Зарж байгаа, сурталчилж байгаа ихэнх бүтээгдэхүүнүүд хүүхдийг таргалалтад хүргэж байна.
Нийслэлийн хүүхдүүд чөлөөтэй тоглох, дугуй унах, аюулгүй хөдөлгөөн хийх боломж хомс байгаа юм.
Тав хүртэлх насны хүүхдүүдийн 10 хувь нь илүүдэл жин, таргалалттай байгаа нь олон улсын түвшинтэй харьцуулахад өндөр хэмжээнд байсаар байна.
Одоогийн түвшинд өсвөр насныхны дунд таргалалтын түвшин бага байгаа ч сүүлийн жилүүдэд огцом нэмэгдсэн. Хэрэв бид одоо л арга хэмжээ авахгүй юм бол 2030 он гэхэд монгол хүүхдүүдийн (5-19 насны) нэлээдгүй, 20-орчим хувь нь илүүдэл жинтэй, таргалалттай болохыг мэргэжилтнүүд сануулж байна” гэсэн юм.
