Холливуудын алдарт жүжигчин Брэд Питт салсан эхнэр Анжелина Жолиг 2008 онд хамтдаа худалдаж авсан дарсны компанийн хувиа худалдсан хэргээр шүүхэд өгчээ.
Тодруулбал, Анжелина Жоли хамтран эзэмшдэг усан үзмийн талбайнхаа хувийг Оросуудад зарахдаа хуучин нөхөр Брэд Питтээ мэдэгдээгүй байна. Харин Питт үүнийг дарсны компанид нь зориудаар хохирол учруулсан хэмээн үзэж шүүхэд өгчээ.
Хосууд 2008 онд Францын өмнөд хэсэгт байрлах байшин, усан үзмийн талбай бүхий Францын Chateau Miraval SA компанийн хувьцааны хяналтын багцыг худалдан авчээ.
Брэд Питт хэлэхдээ, бид хоёр нэгнийхээ зөвшөөрөлгүйгээр компанид эзэмшиж буй хувиа зарахгүй гэж тохиролцсон гэжээ. Түүнчлэн PA мэдээллийн агентлаг Жоли Питтэд мэдэгдэлгүйгээр Оросын олигарх Юрий Шефлерийн хяналтад байдаг Люксембургт төвтэй архины үйлдвэрлэгчид хувьцаагаа худалдсан гэж мэдээлээд байгаа аж.
Питтийн өмгөөлөгчид, энэ бизнесийг босгоход Жоли ямар ч хувь нэмэр оруулаагүй, энэ бизнес “тэлснээр” олон сая доллар олох боломжтой байсан гэжээ.
Харин Жоли одоогоор олон нийтэд тайлбар хийгээгүй байна.
Эх сурвалж: BBC
