УИХ-ын чуулганы хуралдаанаар Зөвшөөрлийн тухай хуулийн нэгтгэсэн төсөл болон хамт өргөн мэдүүлсэн хуулийн төслүүдийн хэлэлцүүлгийг хийлээ.
Энэ үеэр УИХ-ын гишүүн Ц.Цэрэнпунцаг: Хөдөө орон нутагт жолооны үнэмлэхний асуудал байна. Жолооны үнэмлэх авахын тулд жолооны курсэд суух хэрэгтэй болчихоод байгаа юм.
Гэтэл жолооны сургалтанд суух шаардлагагүй, машин, мотоциклыг мэргэжлийн жолоочоос дутхааргүй бариад давхиад байдаг эмэгтэйчүүд их л байна. Эдгээр хүмүүсийг яагаад заавал жолооны курсэд суух ёстой гээд хүчин төгөлдөр мөрдөгдөж байгаа хуульд заачихсан юм бэ?
ХЗДХ-ийн ТНБД П.Сайнзориг: Замын хөдөлгөөний аюулгүй байдлын тухай хуульд заавал жолооны курсэд суухыг заасан. Холбогдох байгууллагын сургалтанд сууж, практик болон онолын мэдлэгийг үзсэний үндсэн дээр жолоодох эрхийн үнэмлэх авах хууль, эрхзүйн орчинтой.
УИХ-ын гишүүн Ц.Цэрэнпунцаг: Төрөөс хууль гаргахдаа шалгалтаа өг л гээд шаардчихна биз дээ. Яагаад заавал жолооны сургуульд суухыг шаардаж байгаа юм. Дунд сургууль төгссөн бичиг үсэгтэй, практик дээр машин тэргээ бариад л явж байна.