АНУ-ын Ерөнхийлөгч Жо Байден Хятад улс Тайваньд халдвал АНУ хөндлөнгөөс оролцоно гэж мэдэгджээ.
Тэрбээр Токиод Японы Ерөнхий сайд Кишида Фүмиотой хэлэлцээ хийснийхээ дараа хамтарсан хэвлэлийн бага хурлын бага үеэр АНУ Тайваньд цэргийн дэмжлэг үзүүлэх эсэх талаар асуусан сэтгүүлчийн асуултад “Тийм. Бид ийм үүрэгтэй” хэмээх хариулт өгсөн байна.
Жо Байден “АНУ “нэг Хятад” бодлогыг хүлээн зөвшөөрсөн ч Хятад бүхнийг хүчээр авч болно гэсэн үг биш. Хятад улс Тайваний эсрэг хүч хэрэглэх гэсэн аливаа оролдлого нь бүс нутгийн хэмжээнд тогтворгүй байдал үүсгэж, Украинд тохиолдсонтой төстэй зүйл болно” гэжээ.
Уг мэдэгдлийн дараа БНХАУ-ын зүгээс эсэргүүцлээ илэрхийлэв. Тус улсын ГХЯ-ны зүгээс “Дотоод хэрэгт хөндлөнгөөс оролцохыг ямар ч гадны хүчинд зөвшөөрөхгүй. Бүрэн эрх, нутаг дэвсгэрийн бүрэн бүтэн байдал болон бусад язгуур ашиг сонирхлын асуудалд буулт хийх газар үгүй” гэж мэдэгдэв.
Эх сурвалж: CNN