No menu items!
HomeХэн юу хэлэвЯ.Содбаатар: Хүнсний давсны 97 хувийг гадаадаас авч байна

Я.Содбаатар: Хүнсний давсны 97 хувийг гадаадаас авч байна

-

Ерөнхийлөгч У.Хүрэлсүхийн санаачилсан Хүнсний хангамж, аюулгүй байдлын талаар авах зарим арга хэмжээний тухай тогтоолын төслийг УИХ-ын дарга Г.Занданшатарт өргөн мэдүүллээ. Энэ талаар Ерөнхийлөгчийн Тамгын газрын дарга Я.Содбаатар мэдээлэл хийлээ.

Ерөнхийлөгч У.Хүрэлсүх өнгөрсөн долоо хоногт УИХ-ын чуулганы хуралдаанд үг хэлж, Хүнсний хувьсгал хийх санаачилгыг дэвшүүлсэн. Энэ дагуу өнөөдөр тогтоолын төсөл өргөн барьжээ.

Тогтоолын төсөлд хүнсний аюулгүй байдлыг хангах нэгдсэн тогтцолцоог бүрдүүлэх асуудлыг тусгасан байна. Ингэхдээ хууль эрхзүй, татвар, санхүүжилтийн оновчтой тогтолцоог бий болгох асуудлыг хөнджээ.

Мөн мэргэжлийн хүрээлэнгүүдийг нэгтгэх, хүний нөөц, үр сорт, малын өвчинтэй тэмцэх, бэлчээрийн даац, хүнсний хяналт, баталгаажуулалтыг тодорхой болгох, лабораториудын хүчин чадлыг нэмэгдүүлэх, эх оронч худалдан авалт хийх зэрэг асуудлыг тогтоолын төсөлд тусгасан байна. Уг цогц арга хэмжээнүүдийг хэрэгжүүлбэл 19 нэр төрлийн бүтээгдэхүүнээр дотоодын хэрэгцээг хангах боломж бүрдэх аж. Тухайлбал, төв суурин газрын мах, сүүний хэрэгцээг хангахад цэвэр үүлдэрийн 50 мянган толгой үхэр импортлох шаардлагатай. Ингэж мах, сүүний аж ахуй байгуулж, төв суурин газрын хэрэгцээг хангах боломжтой.

Хүнсний ногооны дотоодын хэрэгцээг хангахын тулд 50 га талбайд өвлийн хүлэмжийн цогцолбор ажиллуулах зайлшгүй шаардлагатай Мөн 55 000 тоннын багтаамжтай зоорийн аж ахуй хэрэгтэй. Тахиа, гахайны аж ахуй хөгжүүлэхэд жилд 1.9 сая тонн тэжээл авах шаардлагатай гэсэн тооцоог хийжээ. 

Ерөнхийлөгчийн Тамгын газрын дарга Я.Содбаатар “Монгол Улс хүнсний бүтээгдэхүүнийхээ 50 орчим хувийг гаднаас авч байна. 2021 онд гэхэд 1 тэрбум ам.долларын бүтээгдэхүүнийг гадаадаас худалдан авсан байна. Мах, гурил, төмс гэсэн гурван бүтээгдэхүүнээр дотоодын хэрэгцээг 100 хувь хангаж байна. Гурилан бүтээгдэхүүний 33 хувь, хүнсний ногоо, сүүн бүтээгдэхүүний 40 хувь, өндөгний 50 хувь, давсны 97 хувийг загас, будаа, элсэн чихэр 100 хувь гаднаас авч байна. Импортын хамаарлыг бууруулах, дотоодын үйлдвэрлэлээр хэрэгцээгээ хангах зорилтыг дэвшүүлж байгаа”-г мэдээллээ.

Ерөнхийлөгчийн санаачилсан тогтоолын төслийг УИХ-ын байнгын хороод ирэх долоо хоногоос хэлэлцэнэ.

шинэ мэдээ

Орон нутагт 300 мянган орон сууц барина

“Хот хөдөөгийн сэргэлт” ажлын хэсгийн арван тавдугаар хуралдаан төрийн ордонд боллоо. Хуралдааныг нээж Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга...

Төв аймгийн замд том оврын машин, автобус мөргөлдсөний улмаас 18 ажилтан гэмтэж, хоёр жолооч нас баржээ

38 ажилтныг тээвэрлэж явсан “Хьюндай юниверс" загварын автобус "ФАВ СА4250" загварын ачааны машин мөргөлдсөний улмаас хоёр жолооч нас барж, 18 ажилтан гэмтсэн осол өнөөдөр гарчээ. ОБЕГ-ын мэдээлснээр Төв аймгийн...

Б.Жаргалан: Ирэх сарын эхээр ихэнх нутгаар хүйтэрнэ

Улсын Онцгой Комисс (УОК)-оос өнөөдөр ээлжит мэдээллээ хийлээ. Энэ үеэр Ус, Цаг Уур Орчны Судалгаа Мэдээллийн Хүрээлэнгийн орчил урсгал, урт хугацааны прогнозын судалгааны хэлтсийн ерөнхий инженер...

Т.Баярхүү: 82 настай хоёр иргэний нэг нь гэртээ эсэн мэнд ирсэн, нөгөөг эрэн хайж байна

УОК-оос өнөөдөр ээлжит мэдээлэл хийх үеэрээ 82 настай хоёр иргэнийг эрэн хайх ажиллагааны талаар мэдээлэл өглөө. Комиссын нарийн бичгийн дарга Т.Баярхүү "Нийт нутгийг хамарсан цаг агаарын...

трэнд