No menu items!
HomeОнцлохУ.Хүрэлсүх: Алийн болгон давсаа хүртэл айлаас гуйж амьдрах вэ

У.Хүрэлсүх: Алийн болгон давсаа хүртэл айлаас гуйж амьдрах вэ

-

УИХ-ын чуулганы Баасан гарагийн хуралдаан эхэллээ. 

Өнөөдрийн хуралдаанд Монгол Улсын Ерөнхийлөгч У.Хүрэлсүх хүнсний хангамж, аюулгүй байдлын асуудлаар мэдээлэл хийлээ. 

Тэрээр “Манай хоёр хөрш хүн амынхаа хүнсний хангамж, аюулгүй байдалд ихээхэн анхаарч байна. БНХАУ-ын дотоодын хүнсний хангамж 2030 хүн хүртэл буурах хандлагатай байна. Манай улстай хүн ам, эдийн засгийн хувьд ойролцоо Казахстан улс цаашид үр тариа, гурилын экспортоо хязгаарласан мэдээ байгаа. Манай стратегийн түнш болох Япон, Солонгос улсууд хүнсний хангамж, аюулгүй байдалдаа онгой анхаарч эхлээд байна.

Манай улс хүсний бүтээгдэхүүнийхээ 50 хувийг гаднаас авч байна. Өнгөрсөн онд нэг тэрбум ам.долларын хүнсний бүтээгдэхүүнийг гаднаас авсан. Үүнд гурилан бүтээгдэхүүний 33, сүү, сүүн бүтээгдэхүүний 40 орчим, өндөгний 50 орчим хувь, загас, будаа, ургамлын тос, тахианы мах, хүнсний давсаа хүртэл 100 хувь гаднаас авч байна. Алийн болгон давсаа хүртэл айлаас гуйж амьдрах юм бэ

Олон зуун жилийн нүүдлийн мал аж ахуйн соёлтой, 70 гаруй сая малтай, сүүн бүтээгдэхүүний бүрэн хангамжтай манай улс өнөөдөр импортын хуурай сүүгээр хийсэн сүүн бүтээгдэхүүн хэрэглэж байгааг та бүгд мэдэж байгаа. Түүн дотроо нялх, нярай бага насны хүүхдүүд эх орондоо үйлдвэрлэсэн шим тэжээлтэй сүүн бүтээгдэхүүн хэрэглэж чадахгүй байна. Өвгөд, хөгшид ч бас чадахгүй байна.

Манай улсын хүнсний эмзэг байдал дэлхий нийтийг хамарсан цар тахал, олон улсын түвшинд үүсээд буй асуудлын улмаас улам ихээр мэдрэгдэх боллоо. Манай улсын хүнсний бүтээгдэхүүний үнэ сүүлийн нэг жилийн хугацаанд 20 орчим хувиар өсч, инфляци 15 хувьд хүрч, хүн ардын амьжиргаа улс орны эдийн засагт хүндээр тусч байна. Цаашид хүнсний доголдол хэдий хугацаанд үргэлжлэх нь тодорхойгүй байна. Энэ нь манай улс шиг хөгжиж буй улсын хүнсний хангамж, аюулгүй байдалд ихээхэн хэмжээний хохирол учруулж болзошгүй төлөв байдал үүсч байна.

Хүнсний хангамж нийлүүлэлтээс гадна чанар аюулгүй байдал манай улсын үндэсний аюулгүй байдлын тулгамдсан асуудал болоод байна. Үйлдвэрлэж, импортолж, борлуулж буй бүх бүтээгдэхүүн эрүүл чанартай байх ёстой. Итгэмжлэгдсэн лабораторийн хүчин чадал хангалтгүй, хүнсний бүтээгдэхүүний аюулгүй байдлыг бүрэн шинэчилж чадахгүй байгаа нь манай улс хүнсний аюулгүй байдлаа бүрэн хангаж чадахгүй байгааг давхар харуулж байна” гэв

Т.Энхжаргал
Т.Энхжаргал
Zaag.mn сайтын сэтгүүлч

шинэ мэдээ

Т.Баярхүү: 82 настай хоёр иргэний нэг нь гэртээ эсэн мэнд ирсэн, нөгөөг эрэн хайж байна

УОК-оос өнөөдөр ээлжит мэдээлэл хийх үеэрээ 82 настай хоёр иргэнийг эрэн хайх ажиллагааны талаар мэдээлэл өглөө. Комиссын нарийн бичгийн дарга Т.Баярхүү "Нийт нутгийг хамарсан цаг агаарын...

Ерөнхий сайд Л.Оюун-Эрдэнэ БНСУ-д айлчилж байна

Ерөнхий сайд Л.Оюун-Эрдэнэ БНСУ-д ажлын айлчлал хийж байгаа юм байна. Тэрбээр Сөүл хотноо “Go Mongolia” аялал жуулчлалын үндэсний брэндийн арга хэмжээний нээлтэд оролцжээ. Айлчлалын үеэр тэрбээр...

Шувуу ажиллагааны хүрээнд Интерполоор эрэн сурвалжлагдаж байсан этгээдийг Серби улсаас авчирчээ

Интерполын “Улаан булант” зар мэдээгээр эрэн сурвалжлагдаж байсан "Б"-г Серби улсаас олж, энэ сарын 27-нд авчирчээ. Түүнийг мөрдөн шалгах ажиллагааг үргэлжлүүлж байгааг цагдаагийн байгууллагаас мэдээллээ. Уг этгээд...

ЕБС-ийн сургалтын агуулгатай уялдуулж, амьтны хүрээлэн, музейн хөтөлбөрүүдийг хэрэгжүүлж байна

Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах үйл ажиллагааг зохион байгуулж байна. Энэ хүрээнд өчигдөр нийслэлийн ерөнхий...

трэнд