Украины ерөнхийлөгч Володимир Зеленский дайны дараах улс орныхоо ирээдүйн талаар үзэл бодлоо илэрхийлжээ.
Тэрбээр Мягмар гарагт сэтгүүлчидтэй уулзахдаа “Украин бидний анх хүсэж байсан шиг улс болохгүй нь тодорхой боллоо. Европын орнууд шиг үнэмлэхгүй либерал улс болж чадахгүй. Харин бид өөрийн онцлогтой “том Израил” болно. Кинотеатрт, супермаркетад зэвсэгт хүчний төлөөлөл байх, иргэд галт зэвсэгтэй байх нь жирийн үзэгдэл болно” хэмээжээ.
Мөн ирэх арван жилийн хугацаанд Украины номер нэг асуудал бол аюулгүй байдал. Үүнийг бататгахын тулд Израилын жишгийг дагах тухай тэрбээр ярьсан байна.
Хоёрдугаар сарын 24-ний өдөр Оросын Ерөнхийлөгч Владимир Путин “тусгай цэргийн ажиллагаа” эхлүүлэх тушаал өгснөөр Оросын арми хөрш оронруугаа довтолж эхэлсэн. Энэ хугацаанд талууд удаа дараа хэлэлцээ хийсэн ч төдийлөн үр дүнд хүрээгүй.
Украины Ерөнхийлөгч Зеленский ард иргэддээ хандсан ээлжит мэдэгдэл хийхдээ, ОХУ армийн хүчээ шинэ цэргүүдээр зузаатгахыг хичээж байгаа ч Украин улс дайнд ялахын төлөө тэмцэнэ хэмээн онцолсон юм.