Гадаад хэл сурах гэж байгаа эсвэл хэлний мэдлэгээ сайжруулахыг хүсэж байгаа хүмүүст “Хөтөч” булангийнхаа шинэ дугаарыг зориулж байна. 2023 онд гар утсандаа дараах аппликейшнүүдээс суулгаад өөрийн хэлний мэдлэгээ бататгаарай.
1. Duolingo
Хэл сурах эх сурвалжуудын дундаас хамгийн их хүмүүс мэддэг нь Duolingo юм. Учир нь хичээлүүд нь ойлгомжтой бөгөөд сонирхолтой байдаг. Duolingo нь iOS, Android утсанд зориулсан тусдаа програмуудтай. Та Испани, Франц, Герман, Англи, Хятад, Орос, Итали, Грек, Португал болон бусад 20 хэлнээс суралцаарай.
2. Babbel
Babbel бол шинэ боломжуудыг нээж, өөр нэг хэл сурахад туслах апп юм. Энэ нь үнэ төлбөргүй байдаг бөгөөд хэрэглэхэд энгийн ойлгомжтой. Энэхүү апп-д байх хичээлийг хэлний мэргэжилтнүүд бэлтгэдэг бөгөөд харилцан яриа, дуут заавартай байдаг. Практик хичээлүүд нь таны ярианы ур чадварыг хөгжүүлэхэд тусална. Энэ нь iOS болон Android платформд зориулсан өөрийн програмуудтай. Та Испани, Герман, Франц, Англи, Орос болон өөр 9 хэлнээс сонгон суралцах боломжтой.
3. Busuu
Busuu бол 12 хэлний сургалтыг багтаасан томоохон апп юм. Энэ нь дэлхий даяар 80 сая гаруй хэрэглэгчтэй ажээ. Busuu-н үндсэн функцүүд үнэ төлбөргүй боловч та ахисан түвшний хичээл авахыг хүсвэл төлбөр төлөх шаардлагатай болно.
4. Memrise
Та энэхүү аппликейшний 20 хэлнээс сонгон сурах боломжтой. Энэ нь Busuu аппликейшний нэгэн адил хязгаарлагдмал боломжуудтай. Та хэлний ахисан түвшний нэмэлт мэдээлэл авахыг хүсвэл төлбөр төлөх болно. Memrise нь iOS болон Android төхөөрөмжүүдэд зориулсан тусгай програмуудтай байдаг.
5. Rosetta Stone
Rosetta Stone бол өөрийн хүссэн хэлээр чөлөөтэй ярьж, бичихэд тань туслах апп юм. Энэ нь дүрмийн хичээл, үгсийн сан, хэллэг, тоглоом, оньсого, дуут заавар агуулсан 18 хэл дээрх сургалтын хэрэглэгдэхүүнтэй. Та Испани, Англи, Орос, Грек болон өөр 14 хэлнээс сонгон суралцах боломжтой.
Эх сурвалж: bloggingtriggers