Энэ удаагийн “Хөтөч” булангаараа Герман хэлний мэдлэгээ сайжруулахад туслах юүтүб сувгуудын мэдээллийг хүргэж байна. Анхан, дунд, ахисан түвшний гэж ангилсан байгаа тул өөрийн мэдлэгт тохирсон юүтүб сувгуудын хичээлийг үзэх боломжтой.
Хэрэв жишээ болгон оруулсан бичлэг танд харагдахгүй бол гарчиг тус бүр дээр дарж тухайн сувгийг үзээрэй.
Анхан шатны мэдлэгтэй хүмүүст тохиромжтой юүтүб сувгууд
Хэрэв та Герман хэл сурч эхэлж байгаа бол эдгээр юүтүб сувгуудын хичээлийг сонирхоод үзээрэй. Тэд сонирхолтой аргаар мэдлэг олгох болно.
Герман хэлний дүрэм, дуудлага зэрэг олон чухал зүйлсийг энэ сувгаас мэдэх боломжтой. Бичлэгүүд нь шинэлэг бөгөөд дэлгэцэн дээр гаргах тустай текстүүдийг дагаж унших боломжтой байдаг.
Херр Антрим бол арав гаруй жилийн турш ахлах сургуулийн герман хэлний багш хийж буй залуу юм. Тэрээр англи хэл дээр хичээлүүдээ тайлбарладаг бөгөөд танд яг л танхимд суугаад хичээл заалгаж байгаа мэт сэтгэгдэл төрөх болно. Юүтүб дээрх анхан шатны хичээлүүдийг нь үнэгүй үзэж болох ч өөрөө хүсвэл түвшин ахисан түвшний хичээлүүдийг төлбөртэй сайтаас нь авах боломжтой байдаг.
Энэ нь таны сонсох чадварыг сайжруулахад туслах юүтүб суваг юм. Хөтлөгч өөрөө камерт гарч тайлбар өгөхгүй ч үгсийн санг нэмэгдүүлэх шүлэг болон бусад агуулгыг герман хэл дээр уншиж өгдөг.
Дунд шатны мэдлэгтэй хүмүүст тохиромжтой юүтүб сувгууд
Герман хэлний дунд түвшний мэдлэгтэй бол дараах юүтүб сувгуудаас нэмэлт мэдээлэл авах боломжтой.
Энэ сувгийг Мария хэмээх бүсгүй хөтөлдөг. Түүний хичээлүүд англи хэл дээр явагддаг бөгөөд дунд түвшний оюутнуудад хамгийн тохиромжтой байдаг. Мөн та түүний вэбсайтаас илүү олон мэдээллийг авч, сургалтад хамрагдах боломжтой.
Энэхүү сувгийг Билал Усман хэмээх эмэгтэй хөтөлдөг бөгөөд харилцан яриа, үгсийн сангийн мэдлэг олгох бичлэг хийдэг. Мөн үгийн дуудлагаа зөв сурахад тусална.
Ахисан түвшний хүмүүст тохиромжтой юүтүб сувгууд
Та герман хэлний ахисан түвшинтэй бол өөрийн мэдлэгийг бататгах үүднээс дараах сувгуудийг сонирхоорой.
“Deutsche Welle” бол олон улсад алдартай өргөн нэвтрүүлгийн компани юм. Юүтүб суваг дахь видеонууд нь анхан шатны мэдлэгтэй гэхээс илүү ахисан түвшинд мэдээлэл авах чадвартай хүмүүст тохиромжтой байдаг.
Гёте-Институт нь дэлхий дахинаа үйл ажиллагаа явуулдаг ХБНГУ-ын соёлын байгууллага билээ. Түүний юүтүб сувагт нийтлэгддэг контентууд нь дээрхтэй ижил ахисан түвшни хүмүүст тохиромжтой байдаг.
TEDX-ийн бичлэгүүдийг хүмүүс ихэвчлэн англи хэл дээр үздэг. Харин та герман хэл сурч байгаа бол тус хэл дээрээ үзэх боломжтой.
Эх сурвалж: alllanguageresources
